Zingsol- Lucifer Kiatna-2

Tatkhiatna Tangthu – the Story of Redemption

Series # 01

LST Bulphuh: “Gamtat siat ding na kipat ma hun ciang dong, na suah tunga kipanin na gamtatna khempeuh pauban’ na khat beek om lo hi” (Ezekiel 28:15).

1. Lucifer in Jesus Christ pen eeng in haza hi. Ahih hang in, vantungmite khempeuhin Jesus’ tungnun belna le dikna thu le zaliatna le nopna in a hong kun a hong khukdin’ ciangun, amah zong hong kun khem a, ahih hangin ama’ lungsim sungah, hazatna le mudahna bek tawh a kidim hi.

2. Christ pen Pasian in abawl nopna nate awh kisai in, kam kum khawm theih na za ngah a, ahi hangin Lucifer pen amau tawh thu kikum sak lo hi (Genesis 1:26).

3. Pasian ngiimna, nate thei zo loin, zong theih ding a kiphal lo ahi hi. Ahi hangin Christ in vantung kumipa hi a, Pasian zah a zaliatna le vangliatna nei ahih na thu a kithang ta hi.

4. Lucifer in, vana vantungmite lakah a ki pakta mah mah ding khat a sa hi. Zaliatna sangpi tak kipia zo hi napi in, Piangsakpa tungah lungdamna le phatna a pia ngei kei hi.

1. Pasian mah mah tawh a ki za kim ding a lunggulh hi. A liatna sa peen a kisialh pih hi. Amah in na khat tei tei bawl khia ding hong kipan ta hi.

2. Pasian’ vang taangin, a tawntunga alian Piangsakpa kianga om den ahih manin amah peen a tan’kha tawntung diak hi.

3. Vantungmite in, ama’ sawlna khempeuh sel het lo a, lungkim tak a, a man man khawngte ngaihsun hi.

4. Ama’ kizepnate melhoih in taang pha hilo hiam? Christ pen bang hangin ama’ mai ha ki lian sak tuan se se ding hiam (Ezekiel 28:18)?

1. Jesus Christ a hazatna hangin hehngawh in Pa kiang pan thakhat in a taikhia hi. A ngiimnate tak tak pen iim-sim photin, vantungmi honpite a kikhawm sak hi. Ama’ thu mah mah tawh pan in thu hong gen hi.

2. Pasian in amah Lucifer pen awlmawh lo a, ama’ mai a Jesus pen a liat sak tawm na tawh, a deidanna a neithnathu a khasiana a suut pih hi.

3. Tua hun a kipan in, vantungmite ngah sa, a nuam mah mah suahtakna pen bei zo hi cih a gen hi.

4. 4. Banghanghiam cih le, amaute sila bawl a, ut tut a a uk ziau ziau ding ukpa khat kikoih zo hilo ahi hiam? Tua banga amate ngahsa zaa te a kilak khiatsak sa a vangliatna te uh mawk koih lo dinga, Christ maiah kun ngei nawl lo dinga, ama’ tunga kipia sa a ngahsa minthan’nate ama’ thu a sutkhia kik ding thu te le amah a zui nuam vantung mite’ mangpa hi ding thu a vekpi in a gen khia hi.

1. Vantung mite nakpi takin hong kibuai gawp uh hi. Lucifer le ama’ nungzuite in Pasian’ Gampi ki-ukna pen puahphat ding sawm uh hi.

2. Ama’ Tapa, ukna le vangliatna a piakna a piakna thu le a liat tawm sakna thute a deihna thu thukpi te phawk khia zo lo uh ahih manin, lungkim loin, lungdam het lo uh hi. Tapa ukna a dem nuam in a langpan ta uh hi.

1. A thuman le a dik lai vantungmite in, hih a langpang makaipa in amau Piangsak pa’ deihna a zuih kik zawh na’ng a zong uh hi.

2. Pasian in Christ tunga liatna a piakna thuman hi ci uh a, tua banga a piakna hangin Lucifer tungah zaliatna them kha zong kiam tuan lo ahih na thu ahi zongin, a gen uh hi.

3. Vantungmite khempeuh a kipian’ sakma pek a zong, Christ pen Pasian tapa hi khin a, Pa

tawh om khawm a, Pasian ziat lam-ah tu ngei pa ahih na thu, a ithuai, a migitna tawh a ukna za ngahsa, Pasian’ ziatlam a tu ngeisa ahih na thu, Ama’ ukna thute kisit tel ngeilo ahihna thu ahi zongin, tua bang ukna zate vantung mihonpite lungdam nang ahih nate a gen khia uh hi.

4. Vantungmite omna a Christ zakhan’ na thu hangin, Lucifer in tua ma a angah sa minthan’na te neukha zong taan tuan lo ahihna thu a gen uh hi.

5. Vantungmite a kap uh hi. A lungsim ngiimna hoih lo khempeuh nilkhia a, amau’ piangsak

Pa’ thu a zuih nading, lung himawh mah mah in a kun ngeu ngeu uh hi.

6. Banghang hiam cih leh, tua ma hunte in lungnopna le, kilemna bek bek om ngeisa hi napi, bangin tua bangin kisiatna le ki langdo na thu hong piangsak ding ahi hiam?

Tedim pau a, Spirit of Prophecy a ki nei masa pen ahi, Ellen G. White at The Story of Redemption pan Tatkhiatna Tangthu ci-in ong nusia sa ahi Saya H. Go Suan Nang tei,  Pastor Ngul Khaw Pau in Foreword-Thumasa ong at sung pan hi a, LST mun kim khat kong behlap hi. Zomi a sim khempeuh TOPA in thupha ong buak tek ta hen! Amen.

Lai puak – Kenneth Htang Suanzanang,

Apt # 304, Thazin Condo,

56 Boyarnyunt Road,

Dagon Tsp, Yangon 11191,

Myanmar.

Direct Telephone 38 40 44;

PABX Phone: 25 55 12;

25 55 13;

39 34 82 (Extn.#304)

Email: kensznang@mail4u.com.mm;

kensuanzanang@gmail.com;

Website: http://www.thegospelecho.net