Zokam Sabbath School Lesson 2019
“Ezra Le Nehemiah”
Laigelh: Dr. Jiri Moskala, (Th. D.; Ph. D.)
Laitei: Pr. Ngo Khaw Nang
October, November, December 2019
THULU OMTE
- Tangthu Hong Phawksak:
Zerubabbel Leh Ezra ……….…………….….
- Nehemiah ……………………………….
- Pasian’ Sapna ……………………………….
- Langdonate Maingat ………………………….
- Lungsim Thukham Palsat …………………….
- Kammalte Sim ………………………………..
- Mawh Maisakpa Pasian …………………………..
- Pasian leh A Thuciam ……………………………
- Sittelna, Gimna leh Sazian ……………………..
- Topa Bia …………………………………
- A Nungtolh Mite ……………………………
- Khentatna Hoihlote ……………………………
- Israel Makaite …………………………………
THU MASA
Ezra leh Nehemiah te’ tungtawn aa Lungdamthu
Ezra leh Nehemiah te in, mituan, Pasian a bulphuh, kammal hau, Kha Siangtho a nei, Pasian’ mite laamto in a khangto saknuam mite ahi uhhi. Amau nuntakziate in, ki aapna anei a citak makaite tungtawnin Pasian in nasem ahihna hong lak hi. I pianpih mawhna tepan a piang i gamtatna tepen, Pasian’ kammalte simin, Khasiang tho hong panpihna bekmah in hong kheelsakzo thei hi. Thu um mite in, “Thahatna tawh hilo, vangliatna tawh hilo, Keima’ Kha beh” (Zech. 4:6) tawh nungta a, “Upna tawh Pasian’ kamciamte len” (Hab. 2:4 ) uh hi.
Tu quarter i sinna in, nuntakna pen buaina kidim cih honglak hi. Ahoih bawl ding i kisak ciangin kingkalhna leh langdona hong ompahpah hi. I lawmte nangawn in, a langtang ahi a, a simtham ahi zongin hong galbawl thei hi. I haksat thuakte leh Dawimangpa gal i thuakzawhnate in mawhna’ guu omtaktak cih hong theisak hi. Satan pen, eite sangin thahatzawpek a, mihing’ tha tawh do zawh mengmeng ding hilo hi. Pasian bekmah in galzawhna, lungsimtawng kikheelna ding thahatna hong pia thei hi. Khalauna in kikheelna piangsak thei a, lungkiatna in Khalamah i kisap bulpite, Pasian’ thapiakna tungtawnin hong ngahsak thei hi.
Ezra leh Nehemiah a nihgel un a laibute uh a hoihlam a tawpsaklo uh hi. Mawhna in a kilawhbaih mahmah thusiapi a hihi. A lauhuai penna zong a pualampan hongpai lozaw a, Pasian’ mite mahmah in citaklo in a thumanlohna pan hong piang ahi hi. Pasian’ pawlpi a kipkho theihna dingin a thupipen in, thumaan citakin athupiak zuihna a hihi. Ezra in a tellahna bangin, kikheel theihna thahatna pen, Lai Siangtho hoih takin simin ilungsim sungah hoihtak a teensakna bekmah ahi hi.
Kaal 70 leh ni 2300 (457BC pan kipan) zingsang leh nitak genkholhna thute a kipatna ding in, Pasian in kumpipa Artaxerxes thuzawh in, Ezra in zong Israel mite Jerusalem lam a ciahkikna lampi ah pumpi annek tuidawn pan kipan, biakinn lam na ding a kisam bangbangin vaihawmsak hi (Ezra 7:11-28).
Hih laibute gel’ thubulphuhpi in, Pasian’ vaihawm-sakna, a kamciam tungah a cihtakna cihte a hihi. Mihingte in bangzahin awlmawhlo, lungsim toi, lungsim khauh mah taleh, Pasianin a kamciamte tangtungsak teitei hi. A silapa tungtawnin, anangh azawm mahmah amite khanglo kipuahpha dingin samkik hi.
“Tua kipuahphat kikna pen, salpan hong ciahkik khit, Zerubbabel, Ezra leh Nehemiah te’ makaihna tawh kibawl a, hun nunung khalam ki puahphatna maleep a hihi. A beibang Israel mite in galte bawlsiat gawpna tawh thaneem mahmah hi taleh, amau tungtawnin Pasianin a thukhamnate leitungmite muhtheih dingin pulak sawm hi. Biakpiakna maan taktak leh a siangtho kammalte a kemcing mite hi ding uhhi” (EGWhite, Prophets and Kings, laimai 677).
Ezra leh Nehemiahte in tangthu kizom hi uh a, Pasian’ mite gam kipuahphat laitak ahi uhhi. Chapter 23 sungah tangthu ki ciamteh hi a, a thupaidan a kibang ahi uhhi. Tua tangthu bunih tegel simpha leng, Pasian in a mite’ tungah a hehpihna lian honglak ahihna i mu dinghi. Phawkding khatah, tangthu kizom diudeu a kiciamteh hilozaw a, a thulu zui a kiciamteh peuh a hihi.
Ezra leh Nehemiahte in, biakinnpi lamkik ding hilozaw (Ezra ciahma kum 50 lai 515BC in kizo khin) a, Jerusalem thaklam kik ding, ukzawhna aana, mipite thuneihna leh hong pai ding Meesiah lampi sialsak ding a hihi.
Tu quarter sung Pasian’ kammal te na sim ciangin, Topa in na lungsim hong lawngin, na ngaihsutna te hong puahphatsak in, lawptak leh thumaan takin anung zui thei dingin thupha hong pia tahen.
Jiri Moskala in, Andrew University Seventh-day Adventist Theological Seminary ah, Lai Siangtho lui lamsang a Siamtuampa a hihi. 1999 kumin Andrew University hong tunghi. Tualai hong tun ma in, Czech gamah ordained pastor, makai leh sangsiapi cihte semhi. Pasian thukan kipawlna tuamtuam ah kihel hi. Czech pau leh English pau in laibu tampi gelh leh endik hi. Jordan gam Tell Jalul ah tangvan tawhkikna (archeology) ah zong amah kihel thei hi.
Laigelh : Jiri Moskala
October, November, December 2019
Learn how to solve a Rubix Cube with the beginner method, using only six algorithms.