Zomite’ Neih Laisiangtho Bute

ETKAAKNA LE ETPHATNA

 

PA LIAN THAN TUANG (LT TUANG)

22 OCT 2019

Tuesday

 

 

 

 

 

A Sung Aa Om Thute

Thu Masa 3

A Kietkaak Versions te 4

1. Laisiangtho Bukhenna 5

   1. Laimalgawm Zatna 7

2. Laisiangtho Thu Anung Amai Etcianna 7

   1. Abraham’ Suan le Thupha 8

   2. A Gam le A Dikna 9

   3. Baptize 10

   4. Pasal ii Zi Neihna 12

   5. Pawlpi Sung Thukhenna 12

   6. Nuntakna Laibupi (Tuuno Laibupi) 13

3. Laisiangtho Mun Kibang, Versions Kibanglote Etkaakna 14

4. Soft Copy (Pdf format) tawh Laibu Bawlsate 17

   1. Road Map for Zomi Stabilization (Zomi Government) – 16 February 2018 17

   2. Standard Zolai Format – 20 December 2018 17

   3. Gentehna Tuamtuam le A Deihnate – 07 April 2019 17

   4. Zomite’ Neih Laisiangtho Bute Etkaakna le Etphatna – 22 October 2019 17

5. Hard Copy (Paper Book format) tawh Laibu Bawlsate 17

   1. Zolai Khanggui (AD 1899 – AD 2013) – October 2013 17

   2. Laisiangtho A Thu Zui-in Khenna – 12 April 2017 (Revised Version – 10 October 2017).17

   3. Thuciam Thak ah Thuciam Lui tawh Thuhilhnate – 02 September 2019 17

Thu Masa

Zomite in Zolai tawh laibu hoih tampi kibawlkhia ziahziah zo ta hi. Laisiangtho bu zongh versions tuamtuamin kinei zo ta hi. Version nam khat bekbek zongh edition kibawl toto cih zongh om lai hi. Tua mah bangin nam dang lai, version dang tampite zongh et theih ding tampi na om hi. Hebrew lai tawh Laisiangtho zongh versions tampi om khin zo hi. Hebrew in tua ci, Hebrew ah kitua ci gelh cih ciang bek hong hi nawnlo aa Hebrew sung pan zongh bang version cih tawh gen tangtang a kul dinmun hita hi.

Zolai tawh versions tuamtuamte pen, i teikhiatna versions kibanglo baan ah Zolai malgawm bulphuh diak aa a kipuahtoto, Pasian kammal ngiat mah bulphuh aa a kigelhkhia, Zolai pan Zolai mah ah a teiphakik, a zuunthuah cih bang danin thupit sak kibanglo ahih manin version khat le khat zongh lai gualhzia le kammal zatte kibang khinlo hi kha thei ding hi.

Hih sung ah nambatpi 2 na “Laisiangtho Thu Anung Amai Etcianna” cih pen a bulpi ahi hi. Tualo, laimal gawmzia le zatzia dingte, versions khat le khat etkaakna cihte kisim thei hi. Laisiangtho bubup etphatna hilo aa, a kithei diak Laisiangtho munte le a thupidiak Laisiangtho munte kien diak hi. Tua baah ah, Laisiangtho mun kibang a khiatna a kituaklo, a kilamdang cihte zongh kien hi.

A Kietkaak Versions te

Zolai sung ah

• HCN = Hilhcianna Kithuah Laisiangtho*

• TDM = Tedim Laisiangtho*

• ZIV = Zokam International Version*

• ZSV = Zokam Standard Version

• Sizang Kam Version

• Zou Laisiengthou (India) Version

• HCN, TDM le ZIV pen data ngahna baihpen le etna lempen ahih manin, hih versions nam thumteng kienkhawm diak hi. TDM Version pen 2010 kum edition ahi hi.

  Kawllai ah

  • Myanmar Judson Version

  • Myanmar Modern Version: TT bek

    English lai ah

  • NIV (New International Version)

  • KJV (King James Version)

  • NKJV (New King James Version)

    Adang

  • CJB (Complete Jewish Bible)

  • HHH (Habrit Hakhadasha/Haderekh): TT bek (Hebrew lai)

TL = Thuciam Lui TT = Thuciam Thak

1. Laisiangtho Bukhenna

1. Laisiangtho Bukhenna

Zosuan sung pan Zomi cih a pom thei diakte sung lak ah zongh Laisiangtho pen versions tampi om khin zota hi. Minam tampite in amau lai tawh version khat na ngawn a neih zawhloh laitak un, hi bang danin I neih zawh pen a lungdamhuai cih theih ahi hi. Zomi sung pan a kibawl khempeuh zongh kietkaak kim zolo ahih manin tuhun laitak aa a kizangh diakte kibulphuh hi. Hih sung ah a kienlo versions dangte zongh a hoihlo, a hoih, a sia a pha, kicing kicinglo cihna hipahlo hi.

Zattang Ding Deih Dan	HCN	TDM	ZIV
Piancil Paikhiatna Siampi Laibu Gamlak Vakna Thu Hilhkikna Joshua Thukhente Ruth Samuel Masa Samuel Nihna Kumpite Masa Kumpite Nihna Khang Tangthu Masa Khang Tangthu Nihna Ezra Nehemiah Esther Job Late Paunak Thuhilhna Solomon la Isaiah Jeremiah Kah La Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malakhi	Piancilna Paikhiatna Siampi Laibu Gamlak-Vakna Thu-Hilhkikna Joshua Thukhente Ruth Samuel Masa Samuel Nihna Kumpite Masa Kumpite Nihna Khang-tangthu Masa Khang-tangthu Nihna Ezra Nehemiah Esther Job Late Paunak Thuhilh-sia Solomon La Isaiah Jeremiah Kah La Ezekiel Daniel Hosea Joel Amos Obadiah Jonah Mikah Nahum Habakkuk Zefaniah Haggai Zekhariah Malakhi	Piancilna Paikhiatna Siampi Laibu Gamlak Vakna Thu Hilhkikna Joshua Thukhente Ruth Samuel Masa Samuel Nihna Kumpi Masate Kumpi Nihnate Khang Tangthu Masa Khang Tangthu Nihna Ezra Nehemiah Esther Job Late Paunak Thuhilhna Solomon La Isaiah Jeremiah Kah La Ezekiel Daniel Hosea Joel Amos Obadiah Jonah Mikah Nahum Habakkuk Zefaniah Haggai Zekhariah Malakhi	Piancilna Paikhiatna Siampi Laibu Misimna Thupiakkikna Joshua Thukhente Ruth Samuel Samuel Kumpite Kumpite Khangthute Khangthute Ezra Nehemiah Esther Job Phatna-late Paunakte Thuhilhna Zailate’ Zaila Isaiah Jeremiah Tamlawhna Ezekiel Daniel Hosea Joel Amos Obadiah Jonah Micah Nahum Habakkuk Zephaniah Haggai Zechariah Malachi

Matthew Mark Luke John Sawltak Rom Corin Masa Corin Nihna Galatian Ephesian Philippian Colosian Thesalonian Masa Thesalonian Nihna Timothy Masa Timothy Nihna Titus Philemon Hebrew James Peter Masa Peter Nihna John Masa John Nihna John Thumna Jude Mangmuhna

Mattiu Marka Luka Johan Sawltakte’ Tangthu Rom Korin Masa Korin Nihna Galati Efesa Filippi Kolose Thesalon Masa Thesalon Nihna Timoti Masa Timoti Nihna Titu Filemon Hebru Jeim Piter Masa Piter Nihna Johan Masa Johan Nihna Johan Thumna Juda Mangmuhna

Matthai Marka Luka Johan Sawltak Tangthu Rom Laikhak Korin Masa Korin Nihna Galati Efesa Filippi Kolose Thesalonika Masa Thesalonika Nihna Timoti Masa Timoti Nihna Titus Filemon Hebru James Peter Masa Peter Nihna Johan Masa Johan Nihna Johan Thumna Jude Maangmuhna

Matthew Mark Luke John Nasepte Rome-te Corinth-te Corinth-te Galatia-te Ephesa-te Philippi-te Colosse-te Thesalonica-te Thesalonica-te Timothy Timothy Titus Philemon Hebrews James Peter Peter John John John Jude Kilaakna

Ngaihsutna:

“Piancil” alian khat aneu thum cih bangin kisim aa “Piancilna” alian khat aneu thum kicilozaw hi. Piancil cih tawh sim ziauh ding pen lawh nopzaw hi.

“Johan” cih aa kipan mi’ min, mun min pawlkhatte pen Kawl awsuah hi aa nadang awsuah zangh veve Mikang awsuah khawng mah hileh hoihzaw kha ding hi.

Leitungbup ah a kilim zatpenpen mikang lai mah tawh a kinai theithei ding mah hileh hoihpen kha ding hi. Banghang hiam cih leh Zolai bek tawh hiloin Mikang lai tawh zongh zonna etna I neih nopciang ngaihsutna, zonzia olzaw, lemzaw veve ding hi. Ahi zong, awsuah a kilamdanglua liangte bel Zo awsuah mah zatzawk veve ding ahi hi.

Tuabek thamlo, Mikang lai ah atam lakna “s” a zat pen Zolai ah zatpih kullo kha ding hi. Tua “s” munte ah “te” cih vive guan ding lah hong kilawmlo zel hi. Laimal gawmna Zolai le namdang lai mat in gawm pen kilawmlo hi. Gtn. Computers (Computerte) Zolai tuaktuak ahih leh “te” pen a mai aa tawh mat ding mah hi aa, namdang lai khatpeuh tawh ahih leh matloh ding mah hoihzaw hi. Gtn. Naupangte

Tuabaan ah, leitung ii lai lam nasepzia ah zongh mi’ min, mun min, van minte aa kipan namdang lai khat peuh I zatpih aa leh amau malgawm bangbang zuihpih ding pen hoihzaw kici hi. Gtn. Tsunami pen, a masa lam in “T” kiguanglo aa Japanese te awsuah zui-in “T” kinung guanin leitung in zatpih tek hi. Malaysia leuleu ah Mikang kam “Police” pen “Polis” cih bangin kizangh zel hi. Bangbang ahi zong a tam theithei tawh a kibat ding thupi

hi. Ahi zongin, “Polis” cih malgawm zat ding sangin “Police” cih malgawm zat ding pen atamzaw in hoihsazaw veve kha ding hi.

1.1 Laimalgawm Zatna

Tulai A Kizangte	Zattang Ding Deih Dan
Josef	Joseph
Jakob	Jacob
Stefen	Stephen
Filip	Philip
Jesu, Jesuh	Zeisu
Khazih, Khrih	Christ
Kanaan	Canaan

Ngaihsutna:

“Zeisu” cih kammal pen Zopau tawh a khangkhia peuhmah in zat nop a sak khat hi citciat hi. Hih awsuah pen khel zawh ding haksa kha ding hi. Tua bek thamlo, leitung bup ah a kitam zat Mikang pau ii “Jesus” awsuah leh Zo awsuah “Zeisu” cih pen hong kidang mahmah lai hi.

A original min taktak zatpihlo, leitung ah a kilim zat “Jesus” awsuah tawh lah kinailo ahih manin Zo awsuah tektek “Zeisu” cih kammal mah zat ding hoihpen hi.

“Khazih” cih kammal zongh Zopau tawh a lawh nop mahmah awsuah khat hi. Ahi zong, “Christian” cih pen “Christ” pan kipan hi. “Khazihtian” cih ding hong hilo zel hi. “Khrih” cih kammal zongh tua bangmah hi aa “Khrihtian” cih ding hong lemlo zel hi. Tua ahih main, Zeisu Christ, Christian, cih bangin malgawm ding mah hoihpen kha ding hi.

Mi’ min, minam min, mun min, khua min cihte pen a neite ii min gelhzia tektek mah zuipih theih ding ahoihpenpen hi. Tua ahih zawhkei phial aa leh zongh, a tamzaw ii zat bangbang zatpih theih ding hoih hi. Ahi zong, awsuah a kilamdanglua liangte bel Zo awsuah mah tawh malgawm aa zatzawk veve ding ahi hi.

2. Laisiangtho Thu Anung Amai Etcianna

2. Laisiangtho Thu Anung Amai Etcianna

Laisiangtho munte pen

• Anung amai aa Laisiangtho mun dangte tawh etkhop huai hi.

  • Laisiangtho mun khat I gen ding leh tua mun ii alian buppi sim gaih tangtang huai hi.

  • Laisiangtho mun khat pen Thuciam Lui le Thuciam Thak sung ah a kizopzia theihtel huai hi.

• Versions, pau/lai dang tuamtuam atam theithei tawh zongh etkaak huai hi.

• Laisiangtho sung aa minam tuamtuamte ii ngeina le upnate theihtel huai hi.

• Laisiangtho thu tawh kizom leitung tangthu tuamtuamte tawh zongh theihkhop taak hi.

• Laisiangtho sung aa munlemualte, gamlim theih bangin theih zawh taak hi.

• Mi thupi, Pasian mi zatte ii thugenna, kamkupna le laigelh tuamtuamte zongh kan huai hi.

• Laisiangtho mun khat peuhpeuh pen a gelh kua hi aa, kua aa ding a gelh hi-in, banghangin

hibang aa gen hiam cih telcian huai hi.

Mun khat bek lian lenteta, siksan tentan cih bang pen kikhial kha thei hi.

1. 1. Abraham’ Suan le Thupha

      Thuciam Lui

      Thuciam Thak

      Piancilna 22:18 na suan-le-khakte thupha ka piak bangin leitung minam khempeuh in thupha a ngah nadingun hong ngen ding uhhi, banghang hiam cih leh nang in ka thu na mang hi. (HCN) Piancilna 22:18 na suanlekhakte thupha ka piak bangin, leitung minam khempeuh in thupha a ngah nadingun hong ngen ding uhhi. Banghang hiam cih leh nang in ka thu na mang hi,” a ci hi. (TDM) Piancilna 22:18 nang’ gui tungtawnin leitunga minam khempeuh thupha kipia ding hi,’ ci hi,” a ci hi. (ZIV)

      Galati 3:16 Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a piakei hi. “Nangma suan mi khat bek,” ci-in ngaihsunin thu a pia hi. Tua mi khat in Khris ahi hi. (HCN) Galatian 3:16 Tu-in Pasian in Abraham leh ama suanpa tungah thuciamna nei hi. Laisiangtho sungah a kigelhna- ah, mi tampi a cihnopna ahi, “Na suan leh na khakte,” cih kammal na zanglo aa, mi khat bek ahi Khrih a cihnopna-in, “Na suanpa,” ci-in na gen hi. (TDM) Galatia-te 3:16 Abraham le a suan a khak tungah thuciamnate kipia hi. Laisiangtho in mi tampi a gennopna-in “na suan na khakte tungah zong” ci loin Christ ahi mi khat genna in, “na suan na khak tungah” a ci zaw hi. (ZIV)

      Etkaakna

      Piancial 22:18

      • TDM, HCN pen Sizang Kam Version tawh kibang hi.

      • ZIV pen Zou Laisiengthou (India), Myanmar Judson Version, NIV, KJV, NKJV, CJB cihte tawh kibang hi.

        Galatian 3:16

      • TDM pen Sizang Kam Version, NIV, KJV, NKJV, CJB, HHH cihte tawh kibang hi. Kammal: Suanpa, Suan (Kinai), Seed (NKJV ah Seed ii S pen a gol in gelh tangtang hi.) HHH version ah Hebrew lai in “ערז” cih kammal kizangh in “bawtui” cihna nam khatin zongh a khiatna kaai hi.

      • ZIV pen Zou Laisiengthou (India), Myanmar Judson Version, Myanmar Modern Version cihte tawh kibang hi. Kammal: Ahahasuonte, အမ ျိုးအနယ်, သ ျိုးမ မျိုး

      Etphatna

      Galatia khua aa om Thu ummi masate tung ah Misiangtho Paul in lai a khakna hi. A thugen pen Thuciam Lui sung aa Pasian in Abraham tung ah a gen thute hilhcianna ahi hi. A gen zui-in en sin lehang, ama sim Laisiangtho (tuhun aa Thuciam Lui) pen ah zongh suanlekhak cih kammal kizangh tawh kibang hi.

      Misiangtho Paul ii genna zui-in hileh Thuciam Lui sung ah suanlekhak cih kammal zat dilo aa suanpa, suan, mi khat genna kammal zat ding ahi hi. Ahi zong i etkaak Laisiangtho lui a tamzaw ah khat bek genna kammal ahilo, suanlekhak cih dan kizangzaw hi.

      Tua bek thamlo, Thuciam Lui sung ah “na suanpa tungtawnin minam khempeuh thupha kipia ding hi” a cih pen a suanlekhak sung pan aa khat ahi, Topa Zeisu Christ tungtawnin cihna ahi hi. Suanlekhak tampite tungtawn pan hilo aa suanlekhak sung pan khat bek ahi Topa Zeisu Christ a genna ahi hi.

      Versions pawlkhat ah minam khempeuh in ama tung ah ngen ding ci-in kigelh hi. Versions dang pawlkhat leuleu ah na naupangte/suante/suanlekhakte tungtawnin thupha kipia ding ci hi.

   2. A Gam le A Dikna

      Mattiu 6:33 Pasian’ Gam leh ama dikna zong masa un. Na zon uhleh, tua na khempeuh a hong pia thuah ding hi. (HCN)

      Matthai 6:33 Thudang khempeuh sangin Pasian’ ukna leh ama deihna na zuih theihna ding uh thupi ngaihsut masazaw un. Tua hi leh hih na kisapna dangte khempeuh uh zong hong piathuah veve ding hi. (TDM)

      Matthew 6:33 Ahi hangin Pasian kumpigam le ama thumaanna zong masa un. Tua hileh hih nate khempeuh hong piathuah ding hi. (ZIV)

      Etkaakna

      Matthew 6:33

      • TDM pen Sizang Kam Version, Myanmar Modern Version cihte tawh kibang hi.

        Kammal: Deihna

      • ZIV pen Zou Laisiengthou (India) tawh kinaipian hi. “Diktatna” cih kammal zangh aa Dikna cih lian hikhinlo hi. Myanmar Judson Version, NIV, KJV, NKJV cihte tawh kibang hi. Kammal: Dikna, Diktatna, Righteousness, רשוי

      HCN le ZIV pen hih mun ah kibang cih theih hi.

      Etphatna

      Dikna le Deihna cih hih kammal nih pen a khiatna za ah za kibang vetlo hi. “Righteous (ဖြောင့်မတ်ခြင်း)” cih pen “Dikna” hi-in “Deihna” cih pen “Will/Wish (အလိုတော်)” cih bang namte hizaw hi. Hebrew lai tawh HHH version ah “רשוי” kizangin “Honesty” a cihna, a thumaanna, a dikna cih mah tawh kinaizawin “Deihna” cih hi peuhmahlo hi. A “Dikna” zon masak ding a cih pen a “Deihna” cih tawh I khialh khak zenzen aa leh upna nangawn Laisiangtho bulpi pan pialkhia thei lai ding hi. A khiatna tampitak kilamdang sitset hi.

      “Hih thu dik hetkei ei” a kicih leh “hih thu pen hoih hetlo hi, maan hetlo hi” cih nopna ahi hi.

      Pasian in a hehpihna tawh Tapa khat bek a neihsun leitung mite aa dingin hong pia hi. Tua ahih manin Pasian’ hehpihna cih pen Topa Zeisu Christ cihna ahi hi. Tua a hehpihna (Topa Zeisu Christ) hangin mawhna pan siangthona, khialhna pan maanna cih dikna kingah ahi hi. Ei dikna hilo, ama Dikna, a Dikna zon masak dingin Laisiangtho in hong sawl hi. Tua ahih manin Pasian hehpihna (Topa Zeisu Christ) zon masak ding pen Laisiangtho in hong hilh hi. Lamkhat pan gen lehang, “a Gam le a Dikna” cih pen i kha in tawntung nuntakna a ngah nading gupkhiatna mah zon masak kul cihna ahi hi. 1

      Tawntung nuntakna gam le tua gam lut khak nading diktanna pen a deihna zonna tawh ki ngah zo ngeingeilo ding hi. A deihna zuih theih nading ci-in kigelh sawnsawn aa, zuih zawh man tawh hiloin upna bek tawh dikna kingah thei hi. Tua ahih manin a deihna zon masak dilo aa, a gam le a dikna mah zon masak ding ahi hi. Lam khat pan up ding hong genna zongh ahi hi.

      Pasian ii hehpihna (Topa Zeisu Chrsit) pen mu masalo, sang masalopi in a deihna pen kuamah in zong masalo ding hi. Gupkhiatna ngah khitteh Pasian ii deihnate kiteelzaw, kisang theizaw, kipom theizaw in kizui nuamzaw, zuih ding kilunggulhzaw hi.

   3. Baptize

      HCN	TDM	ZIV
      Mattiu 3:11 Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawmkei hi. Aah in Khasiangtho le mei sungah note hong baptaiz ding hi.	Matthai 3:11 Na kisikkik khitna uh a kilatna dingin tui sungah note ka hong phum a, ahi zongin kei nungah a hong paipa in Kha Siangtho leh mei sungah note hong phum ding hi. Tua a hong pai dingpa pen kei sangin nakpi takin lianzaw a, ama khedap a tawisak ding nangawnin ka kilawmzo nai kei hi.	Matthew 3:11 “Na kisikna hangun tui-in b kong baptize hi. Ahi hangin kei nunga hong pai ding pa, kei sangin a vanglianzaw hi; ama khedap tawi ding nangawnin ka kilawm kei hi. Amah in note Khasiangtho le mei-in hong baptize ding hi.
      Marka 1:8 Keimah in note tui sungah kong baptaiz hi. Amah in Khasiangtho sungah note hong baptaiz ding hi,” ci-in a gen hi.	Marka 1:8 Keimah in tui sungah note kong phum a, amah in Kha Siangtho sungah note hong phum ding hi,” a ci hi.	Mark 1:8 Kei in note tui in kong baptize hi. Ahi hangin amah in note Khasiangtho in hong baptize ding hi.”
      Luka 3:16 Johan in, “Note tui sungah ka hong baptaiz hi. Kei sangin a lianzaw pa khat hong pai ding hi. Ama khedapkhau sut dingin zongh ka kilawmkei hi. Tua pa in Khasiangtho le mei sungah note hong baptaiz ding hi.”	Luka 3:16 Tua ahih ciangin Johan in 10ha th kiangah, “Keimah in tui sungah note ka hong phum hi; ahi zongin kei sangin nakpi takin a lianzaw 10ha thong pailai ding hi. Ama khedap khau a sutsak ding nangawnin kei ka kilawmzo nai kei hi. Amah in Kha Siangtho leh mei sungah note hong phum ding hi.	Luke 3:16 John in 10ha th khempeuh kiangah, “Keimah in note tui in kong baptize hi. Ahi hangin kei sanga a vanglian zaw 10ha thong pai ding hi; ama khedap khaute sut ding nangawnin ka cin zo kei hi. Amah in note Khasiangtho le mei-in hong baptize ding hi.

      

      1 Rom 3:21-26, Philippi 3:9, Ephesian 2:8-9, Galatian 3:11, Corin Masa 1:30, Rom 10:4, 11:6

      Johan 1:33 Tua pa ka theikei hi. Ahih hangin tui sungah baptaiz dingin kei hong sawlpa in, “Mi khat tungah Khasiangtho hong kumsuk aa, a tuang na muh leh tuapa in Khasiangtho sungah baptaizpa ahi hi.” ci-in thu hong pia hi.	Johan 1:33 Keimah in amah ka theih nailoh hangin, tui sungah mite a phum dingin kei a hong sawl Pasian in, ‘A tungah Kha hong paisukin a omna mipa pen Kha Siangtho sungah mite a phum dingpa ahi hi,’ ci-in hong genkhol hi.	John 1:33 Baptize dinga kei hong sawlpa, ‘Kha hong kumsukin ama tunga a khawlna pa pen Khasiangtho- a hong baptize ding pa ahi hi,’ ci-in kei hong hilh lo hileh amah ka thei kei ding hi.
      Sawltak Tangthu 1:5 Bang hang hiam na cih uh leh, Johan in tui sungah hong baptaiz hi. Ahih hangin a sawtloin note in Khasiangtho sungah na kibaptaiz ding uhhi,” a ci hi.	Sawltak 1:5 Johan in tui sungah mite phum a, ahi zongin a sawtloin Pasian in Kha Siangtho tawh note hong kidimsak ding hi,” ci-in thu a pia hi.	Nasepte 1:5 Ahang in, John in tui-ina hong baptise hi. Ahi hangin ni tawmkha khit ciangin Khasiangtho-in na kibaptis a ding uh hi,” ci-in thu a pia hi.
      Galati 3:27 Banghang hiam na cih uhleh, Khris sungah baptaizna a ngah mi khempeuh in Khris a silh uhhi.	Galati 3:27 Khrih sungah a kiphum note in Khrih’ pianzia a nei khinta na hi uh hi.	Galatia-te 3:27 ahang in, Christ sunga kibaptise note khempeuh Christ a silh na hi ta uh hi.

      Etkaakna

      • TDM in “Phum” cih kammal zangh hi. “Tuiphum” cih kammal zanglo ahih manin Baptize cih kammal tawh kidanglo cih theih hi. CJB in zongh “Baptise” cih kammal zangloin a khiatna kibang veve “immerse” cih kammal zangh hi.

      • HCN le ZIV pen Sizang Kam Version, Zou Laisienthou (India), Myanmar Judson Version, Myanmar Modern Version, NIV, KJV, NKJV tawh kibang hi.

      Kammal: Baptize, Baptise, Baptis, Baptaiz, ဗတ္တိဇံ cihte kizangh hi. HHH in

      Hebrew lai tawh “ליבטי” cih kammal zangh aa Baptize, immerse cih bangin a khiatna suakkhawm aa “tui” cih “םימ” pen laimal tuam ngiat ahi hi.

      Etphatna

      Namdang laite ah “Baptise (ဗတ္တိဇံ) ” pen tuiphum ci aa tui sung ah kiphum cih a gen nopna hilo hi.

      Phum cihna ah tui sung ah kiphumna, mei tawh kiphumna, Khasiangtho tawh kiphumna, Zeisu sung ah kiphumna cih bangin a tuamtuam sung ah kiphumna om thei hi. Tua ahih manin, kammal zatna ah “kiphumna” cih zat huai hi. Tuiphum i cih ciangin mei tawh ki tuiphum cih bang hong kilawmlo hi. Mei tawh kiphum, mei tawh kiphumna, cih bang dan ding hi aa, “Baptise” cih kammal peuhpeuh ah “tuiphum” cih zat ding hilo aa “phum, kiphum, kiphumna” cih bang zat huaizaw hi.

   4. Pasal ii Zi Neihna

      Piancilna 2:24 Tua ahih ciangin mipa in a nu leh a pa nusia-in a zi beel a, amaute in sakhat suak uhhi. (HCN)

      Piancilna 2:24 Tua thu hangin pasal in a nu leh a pa nusia-in a zi tawh kigawm a, amaute gel pum khat a bang uh hi. (TDM)

      Piancilna 2:24 Hih thu hangin pasal in a nu a pa nusia in a zi tawh kigawm dinga, amaute sakhat suak ding uh hi. (ZIV)

      Etkaakna

      Piancil 2:24

      • TDM pen Sizang Kam Version, CJB cihte tawh kibang hi. Kammal: Kigawm, Kingawn, Stick with

      • ZIV pen TDM version tawh kibang hi. A zi tawh “kigawm” cih kammal zangh hi.

      HCN pen Zou Laisiengthou (India) tawh kibangin, A zi lam ah “a beel (Zoham in, a beh)” ding hi, cih kammal zangh hi. Myanmar Judson Version, NIV, KJV, NKJV cihte tawh kibang hi.

      Kammal:Beel, မှီဝဲ, United to, Cleave unto, Joined to

      Note: Myanmar Judson Version ah ခင်ပွန်း cih kammal zangh khial kha hi.

      Etphatna

      Tedim Laisiangtho version masa lam ah “numei in a pasal zuan” cih bangin kigelh hi. Zongeina tawh a kitukalhlo ding deihna zongh hi kha ding hi. Zongeina tawh kituakkei leh Laisiangtho nangawn a sang theilo, a pom nuamlo om kha thei ding cih lung himawhna hang zongh hi kha thei ding hi. Edition leh version tuamtuam hong om tohtoh ciang Laisiangtho bulpi lam tawh a kinai theithei, ngeina tawh kituak, kituaklo cih hilo aa Laisiangtho ii cih bang tektekin kigelhzaw ta hi.

      Hih mun ah zongh, pasal in a nulepa nusia in “a zi tawh kigawm ding” cih le “a zi bel ding” cih zongh a khiatna kibang khinlo lai hi.

   5. Pawlpi Sung Thukhenna

      Korin Masa 6:4 Tua ahih ciangin leitung thu na khen dinguh leh, pawlpi sungah mi ginalote thukhen ding za-ah bang hangin na koih uhhiam? (HCN)	Korin Masa 6:4 Tua bang hinapi-in hih bang thu themthem hong pian’ ciangin pawlpi sungah bangmahin a kisimlo mite’ mai kitun’ding na hi uhhiam? (TDM)
      1 Corinth-te 6:4 Tua ahi manin tua bang kisiatna na neih uh leh pawlpi sunga a kineu koih mite nangawn thukhen dingin seh lel un! (ZIV)	1 Corinth-te 6:4 Hih leitung nuntakna tawh kisai thute khen ding na neih uh 35 ciangin pawlpi sung aa a kineumuh tatate seh zawsop ding na hi uhhiam? (ZSV)

      Etkaakna

      • TDM pen Sizang Kam Version, Zou Laisiengthou (India), HCN, Myanmar Modern Version, NIV, NKJV, CJB, HHH cihte tawh kibang hi.

      • ZIV pen Myanmar Judson Version, KJV cihte tawh kibang hi.

        ZSV le TDM pen hih mun ah kibang cih theih hi.

        Etphatna

        Laisiangtho a kibawl masa lamte ah “bangmah theilote, a kineu koih mite thukhen dingin seh un” ci- in kigelh hi. Gtn. KJV le Myanmar Judson Version.

        Ahi zongin, hih versions te nih tektek mah edition hong kibawlto aa, “bangmahin a kisimlo mite thu kikhen sakloh ding” deihna lam tawh kigelhkik leuleu hi. Gtn. NKJV le Myanmar Modern Version.

        Hih mun ah pawlpi sung aa mihai le hailo cih sangin thu ummi le thu umlomi cih a gen nopna hizaw hi. Thu ummi tuaktuak Thu umlomite mai ah thu na kibawl uh cih a gen nopna hipipen hi. Ei sung aa buainate ei sung mah ah siang sakin Thu umlomite tung thu kipuak, kibawl ding cih thadah, Thu umlomite zongh theih sakloh ding mah hoihpen hi.

   6. Nuntakna Laibupi (Tuuno Laibupi)

Mangmuhna 13:8 Leitung a cil panin thahna a thuak khin Tuuno nuntakna laibu sungah a min uh a kigelhlo leitungmi khempeuh in sahang a bia ding uhhi. (HCN)	Maangmuhna 13:8 Tua ahih manin a kigo Tuuno laibu sungah a nungta ding mite’ min, leitung pian’ma pekin a kikhumna-ah a kihello eitung mi khempeuh in tua ganhing bia ding uhhi. (TDM)
Kilaakna 13:8 Leitung kipiansak aa kipan a kigosa Tuuno nuntakna laibu sungah a min a kigelhlote khempeuh – leitung aa a tengte khempeuh in tua gamsa bia ding uhhi. (ZIV)	Kilaakna 13:8 Leitung piancil aa thahna a thuak Tuuno Nuntakna Laibupi sungah min a kigelhlo, leitung aa a teng mi khempeuh in tua sapi a bia ding uhhi. (ZSV)

Etkaakna

• TDM pen Sizang Kam Version, Myanmar Judson Version, Myanmar Modern Version cihte tawh kibang hi.

• ZIV pen NIV, KJV, NKJV, CJB, HHH cihte tawh kibang hi.

HCN, ZSV le ZIV pen hih mun ah kibang cih theih hi.

Etphatna

Pawlkhatte in, Pasian in lei pian ma pek pan teeltuam le teellohsa a nei khin hi. A hoih dingte hong hoih lel aa, a sia dingte hong sia lel hi. A teelkholhlohte Pasian thu a kigenpihpih hang’ kitel zo tuanlo uhhi. Kikhel thei tuanlo uhhi. Teelkholhsate bel Pasian zongh sang baih, um baihzaw veve uhhi cih bang dan upna a nei om ngei hi.

Hih Laisiangtho mun pen versions tuamtuam tawh etkaak sin lehang, “lei pianma pek pan a om sa tuuno laibupi sung ah”, cih leh, “leitung pian’ma pekin a kikhumna-ah a kihello” cih laigual kibanglo hi. Lai gualhzia (grammar) anung amai aa lammal koihna, zopna hangin a khiatna a kitelkhial zongh hi kha thei ding hi.

3. Laisiangtho Mun Kibang, Versions Kibanglote Etkaakna

3. Laisiangtho Mun Kibang, Versions Kibanglote Etkaakna

Laisiangthu mun a kitheizawdiakte le a khiatna a kilamdang suahzawdeuhte etkaakna hi aa, hih a nuai ah a kigelhlo, a dang zongh a kibanglo atawm atam om lai kha ding hi.

Isaiah 8:19, 20

Isaiah 8:19,20 Amaute in note kiangah, “Phun sausau in a pau mualmual vankah theite leh aisan theite kiangah thu dong un. Mite in amaute’ pasian thu dongin mihingte thu pen misite dot ding mah hilo ahi hiam?” hong ci ding uhhi. 20 Tuaciangin note in, “Topa hong hilh thute leh teci panna thute ngai un. Aisante’ thu ngaikei un. Amaute in zing khuavak neilo uh ahih manin hong gen thute a kimanna omlo hi.” (HCN)

Isaiah 8:19,20 Amaute in note kiangah, “Phun suausuau-in a pau mualmual vankah theite leh aisan theite kiangah thu dong un. Mite in amau’ pasian-te thu dongin, mihingte’ thu pen misite dot ding mah hilo ahi hiam?” hong ci ding uhhi. 20 Tua ciangin note in, “{ Topa } in note hong hilh thute ngai un. Aisante’ thu ngai kei un. Amaute’ hong gen thute a kiman’na omlo hi,” ci-in dawng un. (TDM)

Isaiah 8:19,20 Mite in note kiangah a phun-suausuau, a humham daldal sikha hopihte le vankahte thu dong un. Mite in a Pasian uh thu a dot mah uhhi lo hiam? A hingte tangin misi dot ding ahi hiam? 20 Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uhhi. (ZIV)

Late 23:1-6

Late 23:1-6 Topa in tuu bang aa kei hong cing Pa hi aa, bangmah ka kisamkei ding hi. 2 Lonona-ah kei hong lumsak aa, tui kiangah kei hong paipih hi. 3 Ka nuntakna tha hong dimsak aa, ama Min aa dingin thuman lampi-ah kei hong kha hi. 4 Sihna lim guam sung nangawn ka nawk hangin siatna ka kihtakei hi. Banghang hiam cihleh kei tawh nang nong omkhawm hi. Na molhtum leh na ciangkhut in kei hong lungmuang sak hi. 5 Ka galte omna maiah kei aa ding an nong lui hi. Ka lu sathau nong nilh aa, ka hai a dimlet hi. 6 Hoihna leh Hehpihna in ka khan tawntungin hong zui taktak ding aa, Topa’ inn sungah ka om tawntung ding hi. (HCN)

Late 23:1-6 { Topa } pen tuucin’ bangin hong cing hi a, kisapna teng kicing ta hi. 2 Lo nona-ah hong lumsak a, tuidam kiangah hong paipih hi. 3 Thahatna thak kei hong guan’ hi. A hong ciamsa mah bangin-ah lampi manah kei hong kha hi. 4 { Topa } aw, kei hong ompih na hih manin khuamial thukpi ka nawk hangin ka lau kei hi. Na molhtum leh na ciangkhut in kei hong hu hi. 5 Keima galte’ muhna munah an nong lui hi. Thupi takin nong pahtawi a, keima hai zong dimlet ta hi. 6 Na hoihna leh nong

itna in ka khan’tawnin a hong zuih ding tel takinah ka thei ta a, a tawntungin na inn sungah ka om ding hi. (TDM)

Phatna-late 23:1-6 TOPA in tuucin-a hong cingpa hi-a, bangmah ka kisam kei ding hi. 2 Lonona ah kei hong lumsak a, tuidam kiangah kei hong pi-in 3 ka hinna tha hong dim kik hi. Ama min hangin thumaanna lampite ah kei hong makaih hi. 4 Sihna e liim guam sung nangawn ka tawn zongin kei tawh omkhawm na hi manin siatna peuhmah ka kihta kei ding hi; na khetbuk le na ciangkhut in kei hong khamuangsak hi. 5 Ka galte ompi-in ka mai ah sabuai nong lui hi. Ka lu sathau nong nilh a; ka hai a dimlet hi. 6 Ka nuntak sung tawntung hoihna le itna in hong zui taktak dinga tuateh TOPA’ inn ah ka teng denta ding hi. (ZIV)

Matthew 6:9-13

Mattiu 6:9-13 Tua ahih manin, thu na nget uhciang hibangin na ngen un: “Vantung aa om kote Pa aw, nangma Min siangtho tahen. 10. Na Gam hong piang tahen. Vantungah na deihna a kicin mah bangin, leitungah kicing tahen. 11 Tuni aa ka khamkhop ding uh an hong pia in. 12 Kote tungah hong mawhte ka maisak uh bangin, kote’ mawhna zongh hong maisak ta in. 13. Khemna hong thuaksakkei in. Gilopa kiang pan hong hon khia in”, ci-in thu na ngen un. (HCN)

Matthew 6:9-13 Tua ahih manin thu na nget uh ciangin hih bangin na ngen un: ‘Vantunga om kote’ Pa aw, na min siangtho kizahtak hen. 10 Na ukna hun hong tung hen la, vantung bangin leitungah zong na deih bangin kigamta hen. 11 Nisim khamkhop an hong pia in. 12 Kote tungah a hong mawhte mawh maisakna ka neih bangun ko’ mawhna zong hong maisak in. 13 Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthan’na, na nei tawntung hi. Amen.) ci-in na ngen ding uhhi. (TDM)

Matthew 6:9-13 Note in hih bangin thu na ngen un: “‘Vantunga om kote Pa aw, nangma min kisiangthosak ta hen; 10 na gam hong tung ta hen, vantungah na deihna a kihih bangin, leitung ah zong kihih ta hen. 11 Ka nisim an uh tu ni-in ko hong pia in. 12 Ko tunga hong bate ka maisak uh bangin, kote leibate hong maisak ta in. 13 Zia-etna sungah hong pi kenla, gilopa panin hong hukhia in.’ e ci un. (ZIV)

Matthew 6:9-13 Tua ahih manin hih bangin thu na ngen un, Vantung aa om kote Pa aw, Na min siangtho kizahtak hen. 10 Na kumpigam hong piang tahen. Vantung ah na deihna a kisep mah bangin, leitung ah zongh kisem tahen. 11 Tuni aa ka nek ding uh an hong pia in. 12 Ko tung aa hong khialte ka maisak uh bangin, kote’ khialhna zongh hong maisak ta in. 13 Ze-etna sungah hong lutsakkei inla, gilopa kiang panin hong honkhia in. Banghang hiam cihleh ukzawhna, vangliatna leh minthanna, nang aa ahi tawntung hi. Amen. (ZSV)

Matthew 11:28, 29

Mattiu 11:28,29 Vangik pua aa a gim mi khempeuhte aw, ka kiangah hong pai ta un. Tawldamna ka hong pia ding hi. 29 Keima hakkol na kisuan unla, kei kiangah kisin ta un. Banghang hiam na cih uhleh, keimah in lungsimniam mi ka hihi. Note in lungsim noptuamna zongh na ngah ding uhhi. 30 Banghang hiam na cih uhleh, ka hakkol puak nopaa ka van zongh a zang hi.” ci-in Zeisu in a gen hi. (HCN)

Matthai 11:28-30 “Na semin vangik puain a gim mite khempeuh aw, ka kiangah hong pai ta un. Note tungah lungsim tawldamna ka hong pia ding hi. 29 Keima hakkol zangin kisuan unla, kei kiangah hong kisin dih un. Kei pen kiniamkhiatin neem hithiat ka hih manin ka kiangah na tawl uh a dam ding hi.

30 Banghang hiam cihleh note kong suat ding ka hakkol nuam a, na puak ding uh van zong a zang mah ahi hi,” ci-in a genkhia hi. (TDM)

Matthew 11:28-30 “Vangik pua a gim mite khempeuh aw, ka kiangah hong pai ta un; tawldamna kong pia ding hi. 29 Keima hakkol kisuan unla kei kiangah kisin ta un. Ahang in, keimah lungsim nem le lungsim ki niamkhiat mi ka hi hi, na hinna un tawldamna a ngah ding hi. 30 Ahang in, ka hakkol nuam in ka van zong a zang hi. (ZIV)

Matthew 6:33

Mattiu 6:33 Pasian’ Gam leh ama dikna zong masa un. Na zon uhleh, tua na khempeuh a hong pia thuah ding hi. (HCN)

Matthai 6:33 Thudang khempeuh sangin Pasian’ ukna leh ama deihna na zuih theihna ding uh thupi ngaihsut masazaw un. Tua hi leh hih na kisapna dangte khempeuh uh zong hong piathuah veve ding hi. (TDM)

Matthew 6:33 Ahi hangin Pasian kumpigam le ama thumaanna zong masa un. Tua hileh hih nate khempeuh hong piathuah ding hi. (ZIV)

Matthew 28:1

Mattiu 28:1 Nipini khitciangin, ni sagih lakah ni kipat ni, khua a vak pat laitakin Magdala khua Mary leh adang Mary te in daihawh dingin a pai uhhi. (HCN)

Matthai 28:1 Sabbath ni khit, Nipi ni zingsang khua hong vak kuan ciangin Magdala khuami Mary leh adang Mary, daihawh dingin a va pai uhhi. (TDM)

Matthew 28:1 Sabbath ni khit nipikal ni masapen ni, phalvak tungin Mary Magdalen leh adang Mary- te han hawh dingin a pai uhhi. (ZIV)

Matthew 28:1 Tu in Sabbath ni a bei khit nipi kal sunga ni masapen ni zingsang phalvak tungin Magdala khuami Mary leh Mary dang khat daihawh dingin a pai uhhi. (ZSV)

Corin Masa 6:4

Korin Masa 6:4 Tua bang hinapi-in hih bang thu themthem hong pian’ ciangin pawlpi sungah bangmahin a kisimlo mite’ mai kitun’ding na hi uhhiam? (TDM)

1 Corinth-te 6:4 Tua ahi manin tua bang kisiatna na neih uh leh pawlpi sunga a kineu koih mite nangawn thukhen dingin seh lel un! (ZIV)

1 Corinth-te 6:4 Hih leitung nuntakna tawh kisai thute khen ding na neih uh 35 ciangin pawlpi sung aa a kineumuh tatate seh zawsop ding na hi uhhiam? (ZSV)

Mangmuhna 13:8

Mangmuhna 13:8 Leitung a cil panin thahna a thuak khin Tuuno nuntakna laibu sungah a min uh a kigelhlo leitungmi khempeuh in sahang a bia ding uhhi. (HCN)

Maangmuhna 13:8 Tua ahih manin a kigo Tuuno laibu sungah a nungta ding mite’ min, leitung pian’ma pekin a kikhumna-ah a kihello eitung mi khempeuh in tua ganhing bia ding uhhi. (TDM)

Kilaakna 13:8 Leitung kipiansak aa kipan a kigosa Tuuno nuntakna laibu sungah a min a kigelhlote khempeuh – leitung aa a tengte khempeuh in tua gamsa bia ding uhhi. (ZIV)

Kilaakna 13:8 Leitung piancil aa thahna a thuak Tuuno Nuntakna Laibupi sungah min a kigelhlo, leitung aa a teng mi khempeuh in tua sapi a bia ding uhhi. (ZSV)

1. Soft Copy (Pdf format) tawh Laibu Bawlsate

   1. Road Map for Zomi Stabilization (Zomi Government) – 16 February 2018

      Leitung mun tuamtuam ah a kithehthang Zomite koici kizop ding, kipawlnate koici kilamh ding, Zogam le Zomi aa ding i omomna pan ma koici pankhop theih ding, makai koici kiteel ding, mipite le makaite kikal koici kizop aa na bangci sepkhop theih ding cih lunggulhnate thu luina ahi hi.

   2. Standard Zolai Format – 20 December 2018

      Leitung mun tuamtuam ah a kithehthang Zomite in Zolai malgawmzia a kibangin zatkhop theih nading ngaihsut sunna hi. Zolai mal kici khempeuh a kibang sitsetin gawmkhop theih nading pen a malmal aa kihilh gai zolo ding hi. Tua ahih manin Standard Format khat kisam hi. Tua Standard Format zui tek gelhciat lehang auto in i Zolai malgawmziate hong kibangkim ding thei ding hi.

   3. Gentehna Tuamtuam le A Deihnate – 07 April 2019

      Laisiangtho sung aa gentehna a kipia thu tuamtuamte le leitung aa thuhilhna aa dingin a kizangh gentehna hoihnonote kaihkhopna hi aa, a deihna tawh kigenkhawm pahpah hi.

   4. Zomite’ Neih Laisiangtho Bute Etkaakna le Etphatna – 22 October 2019

      Zomite ii Laisiangtho versions tuamtuamte etkaak aa laimal gawmzia ngaihsutna, a kithei diak Laisiangtho munte etkaakna, a Laisiangtho mun kibang napi versions tuamtuam ah a khiatna a kilamdang suah diakte etphatna cihte kihel hi.

2. Hard Copy (Paper Book format) tawh Laibu Bawlsate

   1. Zolai Khanggui (AD 1899 – AD 2013) – October 2013

      Zolai kum 100 cin hun tawh kituakin hih laibu kihawmkhia hi. Hih laibu sung ah Zolai piankhiatna pan Zolai kum 100 cin pawi a kibawlna hun kikal sung timeline version tawh kigualsuk diudeu hi. Tua bek thamlo, Zolai nasepna tampite, Zolai Kipawlnate ii thute, Zolai tawh kinavawh a ciaptehtaak thu tampite baan ah, a theihhuai leitung aa lai lam thului tampite le lai lam paunak tuamtuamte zongh kihel hi.

   2. Laisiangtho A Thu Zui-in Khenna – 12 April 2017 (Revised Version – 10 October 2017) Thulu zui-in Laisiangtho munte gualhkhopna laibu ahi hi. Gentehna: Sehsuah thulu nuai ah Sehsuah tawh kisai Laisiangtho munteng, Kamsang thulu nuai ah Kamsang tawh kisai Laisiangtho munteng cih bangin thulu zui-in kikhen hi. Innkuan, Kamtuampau, Khangno, Kiniamkhiatna, Laaktohna, Naupang, Nekkhawm, Ngimna, Sabbath, Sihna, Sum cih bangin thulu 140 om hi.

   3. Thuciam Thak ah Thuciam Lui tawh Thuhilhnate – 02 September 2019. Laisiangtho Thuciam Thak sung ah mun tampite pen Thuciam Lui sung aa te genkikna hilhphatna cih bang ahi hi. Nungzuipite in Thuciam Lui sung ah Laisiangtho bang munteng siksan in thugen uh, thuhilh uh cih lakna ahi hi. Thuciam Lui le Thuciam Thak a kibatna, a kizopna Laisiangtho munteng lakkhopna ahi hi.

Upna pen zakna pan hi.

I zak thu a maan ciang, i upna zongh maan thei pan ding hi.

I upna pen Pasian Kammal Laisiangtho tawh a kituak ding kisam hi.

Tua ahih manin Pasian Kammal Laisiangtho pen limtakin bulphuh huai hi.

Lungdam mahmah Topa thupha

Pa Lian Than Tuang (LT Tuang)

PDF ki Download thei hi. (A tunga lai leh a nuai a PDF pen kituak nawnlo hi. A tunga teng kipuah kik man nailo a, a nuaia PDF pen a ki update zaw kong koih kik uh hi.)

Download (PDF, 1015KB)