NULEPA LE TATE KIZOPNA

NULEPA LE TATE KIZOPNA


Zo Phualva Thupuak Vol 09, Issue 08:

Nulepate in Tate tawh Kinai un.—Nulepa pawlkhatte in atate uh theisiam hetlo in kithuahpih lo uh hi. Tate le nulepate kigamla uh hi. Tate thuaknate nulepa in theihpih in amaute sungah aom thute kaikhia zo uh hileh huzaapna hoih neizo ding uh hi. 
Nulepa te in tate ie itna le muanna angah nading ahoih pen kankhia ding hi. Tua in amaute lammaan ah paipih theiding hi. Innkuan sungah itna nitang tangsak ding hi. 

Thapiakna le Phatna.—Khangnote in kithuahpih ding lawm ngai phadiak uha, amau kia om nuam salo uh hi. Amaute in itna le thudonna deih uh hi. Nuam asaknate un a nu lungnuamsak dingin ngaihsun uh hi. Nuamna le dahna atuah uh ciangin a nu kiang ko pah hi. Nu adingin thupilo himah leh na awlmawh keileh amau aidngin natna piang thei hi. Nu hehpihna le phatna thupi hi. Mit-hem khat le phatna, thapiakna in amaute lungsim sungah nitang bang a, anibup in lungnuam sak hi. 

Nulepa in Tate Mimuan. —Na tate migitna tawh thuhilhin na lungsim tawh khih un. Amau’ tungah huzaapna pulaakna tawh nagimna uh dopih ding ahi hi. Athusimte uh ong koh nadingin hilhin. Anuamna le ahaksatna hoih takin gen sakin. 
Tate in nulepa tawh kinai zaw uh hileh siatna tampite panin suakta ding uh hi. Haksatnate tuakin bang lampi zuiding cih alungbuai ciangin nulepa zuan uh hen. Avaite uh nulepa maiah pulaakin hilhna ngen ngen uh hen. Pasian akihta nulepate in amaute haksatnate theilo in lo ding hi. Tate lungsim kua in nulepa sangin theizaw ding hiam? A ngeksen panin asuk ato a akem nu in tate lungsim puak thei ahih manin, makaih thei hi. Pa huhna tawh tate zia le tongte khalin a uk thei kuamah dang om lo hi. 

Hun Neilo.”—Pa in “Ka tate ka pattah nading, midang tawh kithuah nading le innkuan sung nopsak nading hun ka nei kei” ci uh hi. Tua bang nahihleh banghangin innkuan nei nahi hiam? Ahun neihte uh amau ading bekin zangin, tate adinga azang nuamlote amaute khut sung uhah aom tate pattah ding nasep akhinkhia ahi hi. Na tate zia le tong na lamsak ding ahi hi. 
Nu tampite in “Ka ta tawh hun tam ngah mahmah keng” ci thei uh hi. Tua ahihleh nikten puansilh adingin na hun khiam inla, Christ hun pia in. Na tate awlmawhlo-in om kei in. Nang le na tate kikalah bangmah koih kei in. 
Vangik tampite hangin nute in lungduai takin tate thuhilh manlo-in, itna le hehpihna pia lo thei uh hi. Naupangte in amaute lunggulhna ahi hehnepna le kilawmtatna Nulepa kiang panin ngahlo uh hileh, angah theih nading mun zongtawm l euh pumpi, kha le lungsim susia kha ding uh hi. 

See also  ZOGAM AH PASIAN THU TUN ZAWH KUM 121 CINGTA!

Kimawlna le Nasepna ah.—Na hun awngte uh tate tawh zangkhawm un. Akimawlna uh le anasepna uhah kithuah un. Amaute muanna thalawh un. Amaute tawh kilawmtatna lamto un. Nitak sialin Nulepate in innkuan hun nei un. Na buainate le nisim nasepte nawlkhin un.

Akithuneisakte Hilhna.—Ama’ thu bek thu asa siate le nulepate in tate tawh kithuahna ah alauhuai thu om hi. Amau le amau kithukhual sakin le kithu-neisakin, tate le sangnaupangte hehpih nameel thei lo in, mite lungsim sukha lo hi. Naupangte akim uhah kaikhawm in, sepna le kimawlna ah itna pulaak thei uh hileh, naupang lakah naupang bangin om thei le-uh naupangte lungnuam sakdinga, amaute itna le muanna ngahding hi. Asawtlo-in naupangte in zahtakin, nulepa, le siate zong hong zahtak thei pah ding uh hi. 

Lawmsiate in Innkuan Gal.—Tate lungsim a hoi nadingin Satan le alawmte in nasia takin hanciam uh hi. Tua hi a, tate pen itna le migitna tawh kep ding ahi hi. Nulepa in tate tawh kithuahsiam uh henla, amaute lunggulhna le lungsim puakte theisiam uh hileh ciangtan omlo tate muanna ngahding uh hi. Inn ie nopna na tate kimah vial un. Tua hileh akhangno pihte kikhawlhna lunggulh loding hi. Leitung siatnate hangin tate tungah kikhallna piak kul hi. Nulepate in zong tate alungtang uh tawh henkhawm uh henla, tate hoih nading lunggulh ahihna uh musak hen. 

Nulepate in Tate tawh Kikhawl Hen.—Nulepa le tate kikal ah anoplo kizopna om kei hen. Nulepate in tate tawh kikhawl uh henla, amaute deih le duhte theihpih in, amaute thuakna thaukpih theiin, amaute lung sungah aom bangbang phawk pih thei uh hen. 
Na itna uh natate in mu hen. Amaute alungnop nadingin nahih theih tawpin bawl un. Tua bang hile uhcin, na khalnate thei thei ding uh hi. Itna le hehpihna tawh tate uk un. “Vantungmite in vantung ah a om Ka Pa mai vil tawntung uh hi” acih phawk un. Pasian in apiak nasep om bangin vantungmite in na tate uh a vil ding na deihleh na hihtheih bangun amau tawh kipawl un. 
Tate in inkuan maan ie itna le ciimna tawh akilamto uh ahihmanin lamlakah lawm le pawl zongin mangthang loding uh hi. Siatna in amaute kai lo ding hi. Inn sungah aom lungsimin amaute zia le tong hoihsak dinga, inn panin paikhia in leitungah amaute mun aluah uh ciangin zongsatna hoih le thukhun hoihte tawh zia-etnate panin kidal ding uh hi. 

See also  Zo Phualva Thupuak: Volume 06, Issue 26 - Christian Te in Christmas Pawi Bawl Huai Mah Hiam

Lai Siangtho Sungah Herodte:

Thuciam Thak Bu sungah #Herod kici minpua mi 6 bang om a, avekun kinaina/ kimeltheihna anei vive tek hi pian mai uh hi. Lai Siangtho sunga omlo Herod tampi om a, tua te zong ih genkop a kisam om ahih manin ih hel kop hi. Herod cih laimal pen mimal min hilo a, khanggui kumpi nam min ahi hi.

1. Herod the Great (37-4 B.C.)

Amah pen Roman kumpi khut nuai a Judea gam ukpa hi a, amah bel Jews minam hilo hi. A gitlohna hangin minthang a, a gitlohna hangin Jews te iin mudah hi. Mipilte khembawlin; Bethlehem khua kiim a naungek khempeuh a that/ a sawm kumpipa ahi hi (Matthew 2:16,17). Jerusalem kulhpi le Caesarea khuapi zong lam ding hanciam hi. Tuate lam nading in phiangsiah nasia takin dong ahih manin Jews te in phiangsiahkai/siahdongte muhdah cihtakin a muhdahna uh hong suak hi. Ama sih khit ciangin a tate 3 ahi Archelaus, Herod Antipas, and Herod Philip te in Paltstine gam phelhawm uh hi.

2. Herod Archelaus (23B.C. – A.D. 18).

Ih gensa bangin Herod ie tate thum lakah khat ahi hi. Amah in a pa gam pawlkhat ahi Judea, Samaria le Idumea teng uk hi. Ama uk hun sung sawt lo a, Jews te ngetna tawh kizui in in AD6 kum ciangin Caesar Augustus in laih hi. Ama uk sungin Joseph, Mary le Zeisu te Judea gam ah teenglo in, Galilee gamah na teng zaw uh hi. (Matt. 2:22).

3. Herod Antipas (20 B.C.-A.D. 39)

Zeisu in “ngia” (Luke 13:32) ci-in a sap ngiat pen hi a, a Pa’ gamh sung pan Galilee leh Perea ukna ngah hi. Tuiphum John a that pa (Mark 6:17-20) zong ahi hi. Pontius Pilate in Zeisu kiangah thukhenna ah a kimu dingin a sawl pa ahi hi. Pilate leh Herod Antipas tua ni a kipan lawmta asuak uh ahi hi (Luke 23:12). Amah in emperor Tiberius pahtawina in Tiberias khuapi saat a, tua khua ah Greek te le Romans te dim uh hi.

See also  Khamuanna Taktak
4. Herod Philip (26BC-A.D. 34)

A pa’ gamh ahi Galilee gam pawlkhat leh Syrians leh Greeks te ukna nei hi. Hih Philip pen Matt. 6:17 sunga “Philip” kici pen hi lo hi. Herod Antipas in a zi a suhsak pa pen Herod II ci in tangthu in ciamteh hi. Philip in Herodia teenpih ngeilo a, Herodias tanu, Salome teenpih hi. Matthew in a ciaptehna khialkha hi. Herod Archelaus le Herod Antipas tawh a pa uh kibang in, nu kibang lo uh hi.

5. Herod Agrippa I (12BC-44 AD)

Herod i tupa hi hi. A Pu Hero the Great sangin gam alianzaw ukna nei hi. Amah pen golhguk neekna (Corruption) tawh thong kia ngei a, ahi zong Caligula, Gaius Julius Caesar (Roman emperor 37-41AD sung) tawh ka kilawmtaat manin a panmun hong ngah kik hi. Sawltak laibu sungah John sanggampa James ngawntan in, Peter thong sung a khum pen in kithei hi (Acts 12:1-5). Amah iin Pasian min thangsak lo ahih manin vantung mi in vattuk hi (Acts 12:21-23).

6. Herod Agrippa II (27-100AD).

Amah pen Herod Agrippa I ie tapa hi a, apa sih in kum 17 bek pha pan ahih manin Emperor Claudius in Rome ah kem hi. 48AD ciangin Syrian kumpi Herod Chalcis hong si a, a kumpi gam Agrippa II tungah pia hi. 53AD ciangin a kumpi gam nusia ding in kitawsawn himah leh Claudius in tuma Philip uk sung ahi Batanea, Trachonitis le Gaulonitis, le Lysanias sunga Abila teng kihel hi. Apa mahbangin gam lianpi uk hi. Amah pen 100AD pawl in si a, Herod khanggui kumpi sem tawpna zong hipah hi. Sawltak Paul a khualzinna thumvei khit zawh akimat in akimuh pih ahi hi. “Thu-um mi suaksak zo dektak” cih kimu thei hi (Acts 25-26; 26:28). Mawhnei hetlo pi in Paul kiman a, Caesar kiang dong a thu tungto khin hi kei leh “khahkhiat ding hi” ci hi. (Acts 26:32)

 

Download (PDF, 375KB)

Tags: ,

Admin

Admin

Top