LEINUAI GAM

 Leinuai mi

            Tanglai khamtung Pi-pute in tangthu a tuamtuam tampi na nei uh hi. Leitug leh leinuai mun nih mi’ teenna dankhat na nei mawk uh hi. Hih pe a mu le a mi in maan ta kei phial leh a kinei hi phot hi. LST a umte lak nangawn ah  hong om ciangin Doctrine dan khat in hong pai a, Misite’ Gam cih min khat kivawh hi.  Tua banga min a kivawh ciangin leitung pan misi ahi  phial uh zongin  leinuai ah hing lai uh hi cihthu hong om hi. Tua ahih manin sikha gam ki ci nuam hi. Pumpi a sih hangin Kha silo hi cih Satan’ doctrine hong lut ciangin  Sikha gam ah  leitunga misite; khate a hinglai in sikha gam (hell) ah teeng uh hi, kici nuam pah hi.
“Nuai lam pan-in” cih kammal zong LST in zatna om ahih manin a leitung a leinuai mah ah tua bang nuntak paisuakna khat om hi dingin kisang ta hi.Pasian kiangpan ahih leh tunglam pan a kici ahih manin tualote Nuailam pan akici hi pah hi. Leitug tawngah khua leh gam om takpi sak pah ding hi lo hi. Pu Nantal bang leinuai mi ki ci hi. Taangthu mawkmawk hi pian napi Beh-a nei peuh zong om dih mawk hi. Tua hih leh  Nantal pen mitak pi maw Phuahtawm  tangthu maw? MItakpi ahih leh leinuai ah teeng takpi maw? Leinuaimi hi in Leitungmi zi hong neito cih danin ki gen hi. Dawi maw leh? LST in dawite eite sangin a dinmu uh sang zaw a hihmanin i kidona vai LST in a gen ciangin i tunglam vai vive in gen zaw hi. Eph. 6:11-17.

I dawithu up vai tawh dawi teenna ding a i seh mawkmawk mun citeng ah  dawi in hong pang hong ngak mah uh hi. Ei’ seha peuhpeuh ah a om uh hi pah lel hi. Tua bang munte cih thadah leitunga in thupi pen inn hoih pen te ah zong dawite a teeng ding hi tuanlo hi. In kulsa se lo a Pasian’ bawlsa a hoihte a susia uam a a kawi len kawikawi uh hi zaw hi. Vantungah ommun ngah kei uh. Leitungah zong Mun leh Mual nei tuan kei uh. Leinuai ah e? Bang va hih suk laizang ding uh? Kizen, thanuam, kitaaklah lua uh in innn leh lo, mun leh mual, a khual man uh hi lo hi. Van leh lei amau bat zawh na ciang a toknawi nuam lel uh hi in kicinglah peuhmah uhhi Rev. 12:12. Nasep tamlua ahih manin eite, ei mihingte, amau’ meelmaa ding a Pasian sehte nangawn in a nasep uh va huh kha zen hi hang. (Gen. 3:15).

Dawite leinuai gam ah teeng maw?

Tuiciin tun lai in Pasian in van pan in satan suksiatte tui buak suk hi, Gen. 6,7. Vantung guah leh leinuai tui kikhawh teng tawh leitung tui in hong tuumcip hi. Tuiciin in mihing hi zahta, ganhing hi zahta, singkung lopa ama suksiatna  lakah innpi (tembaw ci hang) sung aom teng bek hong suakta uh hi.
Tui kihawtkhawt in mualte zangleite kheel gawp in leitunga omna khempeuh vukcip uh hi. Tuate mihingte in a zat theih veve dingin Pasian in hong bawlsak lailai in.
1. Suangmeihol
2. Namgim (datsi, diesel, zinan, etc…)
3. Gas cihte i nei hi. Hih na namte bangzah in kizang zang ta leh a beithei lo ahi hi. Tuiciin tun lai a leisung pan a tui a kihawh khiat bang keek in nleitung Pasian in Mei tawh a haal ni ciangin atunga i ge nte pawl leisung pan hong pholhkhia dinga, a leisung galvanzat hong suak ding hi. A zat hun a hong tun ma in tuate in leitung gilsungah gilpuak  sungsia bangin a sun a zan ki hawthawt uh hi. Rom 8:22. Leitung thuthangte i sim ciangin i thei hi. – 1. Zinliing, 2. Meipawt (meimual puakkham, volcano)
Hih bang apianna pen a tunga i gen nam 3 teng kilem theilo haang ahihi. Topa in tua leitung  haalna a azat masiah hong suuk tektek ding hi. II Pet. 3:10-12.
LST lui ah tam sim mah kigen in tawm khat en ni.
Nahum 1:5,6 _Topa a heh ciangin Mualte kilok, mualneute tuisuak, leitang zong meikaang, atunga teengte leh a omna khempeuh zong kangtum leinuai gam hih bang dan hilo ding hi.
Psalms 144:5,6 – Topa in mualte hong lawng leh meikhu vau vau ding, keek baak tawh hong deeng leh ahihkei leh hong kaap leh a sukkhak te kisia ding uh hi.

See also  Pasian Lungtuak Nasep

LST Thak ah Peter’ gen en ni.

II Peter 3: 10-12- A gin ngaih mahmah ing vanpi lengmang dign, vantung nate zong salua in tuisuak ding, leitung leh leitunga kiseem khempeuh kangtum ding.
Tuiciin hun lai Satan mahmah a mantha ding lau ci hi, PP 99.
Mei tawh a kihal ciangin Satan akihaal ding hi ta hi. Rev. 20:10. Leinuai Gam ah a va kihaal ding hilo in leitung gam ah mit hak theikhempeuh in a muh digin kihaal ding hi.Hih leitung angawn ama a ahilopi ama ac i hipeuh ding hi.  HIh leitang aeipa in anei kineihpa a haaltum ta ding ahihi. Satan in hih leitang ama aa hita keileh  ama aa ciphot ahih manin Topa in ama cih mahzangh suak lel in, “hih leitung a ukpa” John 14: 30, na ci hi. Hih leitung a ukpa takpi hi in hitakei leh Leinuai a va teen’ suk sangin leitunga teen’ bel kilawm zaw veve hi.
Leinuai, Leisung, bel Pasian galvan teng kisenna hi. Tua lah mihing in a si theilo kha nei takpi a mihing asih te ahinglai a cih a kha tua leinuai ah va teeng ahih leh zong galvan laka teng hilel ding hi. LST limtak kan le hang a up huailo upna ahih lam kitel mahmah hi. Mawk up, hai up cih bang piang thei vetlo hi. I tua cih nemnum pen Dawi in noptak hong sakna.
Leinuai ateeng ding sikha om lo hi.
Leitung a teeng ding sikha  zong om lo hi.
Leitungmi a hong kici a, leinuaimi a hong ki ci zongin Pasian tawh i kizopna a niam luat leh leimi a hong ki ci ding ahihi. Pasian tawh kizopna hoih a nei te Vanmi a ki ci hi ziau hi.
Dawite a teennopna Mihing’ sung hi.
Lk 11: 24-26
1. Munkhempeuh ah Pasian teeng lo hi,
“Vantung a om kote Pa aw”, Matt. 6:9
2. Mun khempeuh ah Pasian teeng hi, cih leh mun khempeuh /na khempeuh Pasian’ teenna a i vawh leh PANTHEISM hong hi hi.
3. Pasian pen Pantheos hi i cih leh Dawi zong munkhempeuh na khempeuh sungah hong om nuam ding, zong hong om pah ding hi.
4. Mihing- Pasian’ Biakinn, I Cor. 3:17
5. Mihing- Kha Siangtho biakinn, I Cor. 6:1; 3:16
6. Mihing- Pasian lim leh meel sun a ki piangsak, Gen. 1:16,27
7. Mihing- Pasian ta, Matt. 6:9
8. Mihing- Dawi’ meelmaa, Gen. 3:15
9. Mihing- Dawi’ bawl a akhial, Pasian in a tapa tawh a gupkhiat a siansuah kik, Johan 3:16
10. Mihing- Gupkhiatte vantunga dawite’ mun awng a luah ding a kiseh,
– (RH May 29,1900),  7BC 949; 5T 473; COL 163; Rev. 1:6
11. Mihing- Satan’ dan thuak ding a khensat ding, Matt. 19:28;  I Cor. 6:2,3
Hih zah a thupi mihing suksiat ding Satan’ nasep thupi pen hi. Pasian cih thadah mihing mahmah i om noplohna mun te ah Dawi teeng cih pen Dawi hong kheemna mah hi pah hi. Ei sung hi a teennopna mun. Mihing’ sung a tuh zawh kei uh leh Ganhing’ sung beek ah, a ci lai hi uh hi. Mark 5:1-17 (dawi tampi, Legion, V.9)
Dawite mun leh mual neilo te hi uh a Pasian’ omna akici ding mun khempeuh atuh uh, a awnngkai sak uh ahih i.Mi nawngkai khat ka hih khak leh Ka sugah dawite teeng hi, lut hi, cih loh thu dang ngawh ding om lo hi mai hi. Tua ahih manin James in,

See also  Adventist le Halloween

“Pasian’ thu na mang un, Dawimangpa na nial un,Nial le uh cin no kiang pan taikhia ding hi. Pasian kiang nai un. A mah in zong hong nai ding hi. Mawhneite in na khutuh  silsiang unla a kineihkheemte in na lungsim uh siangsak un. Dah i thuum i kap un. Na nuihna te uh khan suaksak zaw unla, na lungdamnate uh maigumna suaksawk zaw un.TOpa mai ah kiniamkhiat un. TUa hi leh amah in hong lian bawl ding hi” na ci hi. James 4:7-10.

I sunga hong lutsa Dawi not ding haksa a hih manin amah lah ki hehsak lo ding, ei zong va heh vetlo ding cih thu hi. Pasian’ deih ahilo khat peuh i sep, i ngaihsut, i gen, ih gelh leh Dawi a zual bawl ki hita hi. Hong zual phot leh bang i cih tam?

  1. I Peter 5:8- Dawimangpa pen humpineelkai tawh akigentehna ah Ei Zo LST ah “a hawkhawk” cih kammal om kei, i a kammal a omlo pen in a khiatna a suutte hu zawsop sa ing. Manglai- a “hawkhawk” cih pen humpi’ nasep a gena hilo in a humpi’ pianlim pianlai genna hi. Sa amat nop teh hawk thapaai cihna hilo hi.
  2. Tua zah khat in Dawi in a hong bawlsiat nopteh thuthang khahkhia zaizai khol lo zaw hi. a kul mahmah munte ah cih loh . Humpi zong tua bang mah hi.
    3. Matt. 13:25- Galpa’ khaicii pawi dan “mite a ihmut kal un galte khat hong pai in tang lak ah tahum tang vawh in a paikhia hi.”
    Pasian’ thu tawh tei sitset lo a om te a ihmu akici a hi hi. Thudag vai dag tawh a pawngnawng hilo ding deih hi. Leinuaimi i hihna tua tak ah hon gdawk hi. Leinuai leisung ah i va teenloh hangin dawi tawh i ki thuahna ah a ki tuaci hi cih genna hi. A siat khit teh puah hak hi. Pasian in ni 7 sunga  hoih a bawl a lungkimna pen a minit(minute) sungin kisia in Pasian mah in a puahkik tuni ciang ciang kum 6000 val puah in zo siang thei nailo hi.
    I leinuai lungtang puak in hih ciang a hong tun’ suk ahi hi. A hilopi ahi sa, “Sia leh pha” theih khopa kul keeilopi i thiehkhop ciag a thubuai tu a bang teng hi.
    Tuiciin tun lai in vantung lam pan a Pasian galvan zatte “guahtui” bek mah hi tuak hi. Gen. 7:4, 11-20; Leitung lampan in zong “tui” mah hi. Gen. 7:11.
    “Leinuai gam” ci a teen theih na ding mun gen lo hi. Meikuang tawh leitung ahaal ciangin zong vantung panin a vot lua leh a sa lua kigawm hong zangh ding hi. – “gialpi”, Rev. 16:1, le “Kaat” (brimestone)”, Rev. 19:20; II Pet. 3:10. Leinuai lampan in laimai 3 a i gensa te hong zangh dinga, tuate zong “tuisa” mah tawh hong ki hel hamtang ding muhsa hi.
    Tui bek tawh hi lo, Mei bek tawh hilo, Mei leh Tui tawh siansuahna hong bawl ta ding hi.
    Leinuai gam a teengte tuikiat nading, le meikaat nading hilo in leitungmi leh tunglam awngthawl lak a kawi lenlen te suksiat na ding pen tu a i gen te hi ding hi. Dawite leinuai ah teenglo hi. Mi asih ciangin leinuai a teeng ding kha (sikha) neilo hi, nei hi phial ta leh leinuai ah teenglo zaw ding uh hi. Satan’ phuahtawm leinuai gam pen a gam in teenthiehnading hi lo hi.
    Pr. D. Nangno
    May 11, 2013
See also  Immanuel/Emmanuel

Tags: ,

Admin

Admin

Top