UPNA HONG KHANGSAK NATE

UPNA HONG KHANGSAK NATE

Khatvei Pasian nasem minthang George Muller thu khat ki dong hi. ” Hehpihna tawh alian mAh mAh na upna ii thusim hong gen in” a kicih ciang in, “Buaina Lianpi” cih kammal nih bek tawh na dawng ziau hi.

James 1 na sung ah note in ze-etna leh sinna na thuak uh ciangin na lungdam zaw un, tuate in thuakzawhna leh upna hong khang sak hi na ci hi.

Upna, ei sungpan hong piang tawm a hilo, Pasian kiang pan hong pai upna ih kisam hi. Ih nuntakna ah a lian pen pen sinna pen ih thanem laitak leh ih haksatna lai in ki sinkhia tek zaw hi.
“Nangma ngeina kipte ka sin theih nadingin gimna ka thuak pen kei adingin hoih mahmah hi.” ‭‭Late ‭119:71‬ ‭
Kumpi David in haksatna, lehdona leh sinnate in Pasian deihna theihna hong pia hi na ci hi.
Zeisu in zong tua bang haksatna, ze-etna leh sinna the thuak ngei in, tuate tung ah a gualzawhna thu na thei hiam?Pasian thu a man theihna ding leh Pasian tung a ki-apna dingin tua bang thute Ama tung ah tun ding a kiphal a hi hi.
“Amah, Pasian’ Tapa hinapi-in a thuakna tawh thumang ahih theih nading a na kisin hi.” Hebrews‬ ‭5:8‬

Topa Zeisu in zong tua bang haksatna, ze-etna, sinnate kisam a hih leh, mawhna tawh a kidim a kiphasak eite in bangzah takin kisam zaw kan lai ding ih hiam???
Eite ze-etna, haksatna sinnate ih tuak ciang lungdam zaw ni, bang hang hiam cih leh tuate in Pasian ih upna hong thakhauh sak ding hi.
Ze-etna, sinna leh haksatna ih tuah ciang in, nidang sang in thunget ki hahkat zaw a hih manin, eite a ding a sia abawl ngeilo Pasian tung ah lungdam ko ko zaw ni..
Topan Thupha hongnpia kim ciat ta hen. Amen

See also  Sharing Scripture, May 26 – June 1
Tags:

Admin

Admin

Top