Innkuan sung Sumzeekzia Ding

Zo Phualva Thupuak - Vol 10, Issue 02

Innkuan sung Sumzeekzia Ding

Zo Phualva Thupuak: Vol 10, Issue 02, Fevruary 2020

Ei leh Ei Dinzawhna Pahtaakhuai.— Mi’ tungah a kinga lo, suaktakna in phathuai mahmah hi. Nangma’ van puain, mite’ an neksaklohna in thumaan hi. Ei leh ei dinnopna in a picing, acingh tupna ahi hi. Kuhkalna le cilna in ciin ding zongsatna hoih ahi hi.

Sumzek Siamna.—Mi tampite in asum ngahna tawh kituakin zang siamlo uh hi. Ahun leh amun tawh kituakin nuntakdan theiloin, sum leeitawi den uha, leeiba tampi aneih ciangin lungkia in lungsim neu uh hi.

Nazatnate Ciamtehin.—Duh le deih zuihna ahihkeileh nu le zi in siamna le teina aneihloh manin sum ngai thei mahmah hi. Zi in inn sung sumzek dingin pilna kipia ngeilo ahihmanin ama’ deihnate khiamlo, tate’ deihna zong khiamlo a, ahoihpen asem mahin kingaihsun hi. Tua hangin innkuan nih avak  zoding sum tawh innkuan khat bek kivak zo hi.

Sum sazian bawl theihnadingin sinding ahi hi. Pawl khatte in kisam kei, ci uh hi. Akisam thu hi a, sum zatna khempeuh ciapteh ding ahi hi.

Sum Thaangzat Asiatna.—Cillo takin sum zatna ie asiatna tawh kisai in Topa in hong lak nuam hi. Tua pen nu le pate in tate tungah  sumcilna ahilh theih nading ahi hi. A kisamlopi in sumzatna in siatna ahi hi.

Sum thaangzat mi na hihleh tumahin kikheel in. Na tuacih keileh na khantawntung sum nanei    ngeikei ding hi. Sum tampi gamh-in naluah sangin sumcilna, kuhkalna in na tate adingin ahoihzaw gamh ahi hi.

Eite in leengla leh khualzin mite ihhi hi. Ih sum neihte ut-utin zangloin, Pasianin ahong zatsaknop danin zat zawkding ahi hi.

Uangtatna Hangin Nu leh Pa Kitai.—Ciltakin sumzatdan nathei kei hi. Na deih maimaite zong nasum neih tawh kituakin na ciangtan thei kei hi. Sum tampi ngahding na kin mahmah a, na lunggulh bangin na zang ziahziah nuam hi. Na hilhna leh na limlahnate in na tate adingin samsiatna atung zo hi. Amaute in thukhun khat zong awlmawhlo uh hi. Pasian mangngilh tektek uha, Ama’ deihna alangpan ding zong launa aneikei semsem uh hi. Ki-uk kikhal nameel zong neilo uh hi. Sum ngah semsem, lungdam ko lah semsem uh hi.

See also  ZSS 1: Pasian in Bawl

Ngahna sanga Atamzatzaw Innkuan.—Na sum zatna-in na sum lut sangin atamzawk loh nadingin kidawmin. Na deih maimainate khiamin. Na sum zatna ah na zi in nang hong sun mahmah hi. Sum tampi aluankhiatloh nadingin na zi in hong huh theilo hi. Na innkuan sungah akitangsam vetlo na tampi kilei hi. Na zi in na tate kizem leh deih hi. Namuhna sangin atamzaw in na zang hi. Na tate muhdan le lungsim paai in zong note hong suun uha, kiphatsak-in mawk nuntak uh hi. Sumcilna thei hi lecin nang le na tate siatnate na mu dinga, hih na mawkzat sumte tawh Pasian’ nasepna tampi kizo thei ding cih na theidinga, Christian zia le tong apicing zaw na lamto thei ding hi. Tua bang thuakna na neih keileh na tate a nuntak laitengin pilna hoihlo ngah ding uh hi.

Sum tampi akhol dingin kong hanthawn keiding hi. Ahih hangin na nihun kidawmtakin sum azang dingin le nisim nuntaknaah sumcilnaah etteh thamcingin anungta dingin kong gen hi. Na tate zong thuhilhna le limlahna tawh hilh phat mahmah kisam hi.

Deihna Nialding Innkuan Kisam.—Note in na sinding uh thu tam lai mahmah hi. Na neihzah uh tawh kituakin nanungta thei kei uh hi. Cil nameel nathei kei uh hi. Khasum tam sang le uhcin sawtvei akikhom theithei dingin na geel theikei uh hi. Pilna donglo in na duh nadahna uh dongin na gamtang uh hi. Khat veivei, na sanggamte in alei zawhloh ante lei in na nese uh hi. Sum in na ip sung panin baihlam takin taikhia zialzial hi. Na nih un angsung nialna na sin ding uh kisam hi.

Nu leh pate in asum ngahzah uh tawh kituakin anuntakding uh ahi hi. Atate sungah deihna nialna  pantah ding uh hi. Thuhilhna le limlahna zang ding uh hi. Adeihte uh tawmsak dinga, lungsim le khalam khantoh nadingin hun pia ding uh hi.

See also  FRANCE GAM AH KIKHELNA LIANPI (The French Revolution)

Deihdeih Zuihna in Itna Hilo.—Tate kiphatsakna, uangtatna le kihoihsaknate aphal leh a uai-amna in itna ahihloh lam tate hilh un. Sum atam theithei zattheih nading lampi tuamtuam zon hun hi lo hi. Sumcil theih nadingin naneihnate sazian bawl in.

Sumcilna pen Citna tawh Kituak.— Tu hun khangnote in cilna awlmawhlo, simmawh uh    hi. Cilna pen phincilna le lungsim toina in ngaihsun uh hi. Ahih hangin sumcilna in muhna azai le thuakna aliante adingin kibangden hi. Cilna omlo in citna amaan om theilo hi. Sumcil ding sinna in kei ading hikei, sumnen khawng kep teltal kisam kei, ci kei hen.

(Kumkikna Lamen Innkuan, pp. 372-380 pan kila in a kigawmtuah ahi hi).

Piangsakpa le Nebuchadnezzar (2)

Kumpipa Nebuchadnezzar in a beisa hunin mang khat manin a mang khempeuh mangngilh hi. A kigen ciangin, amang mat pen hi cih kipsak toto hi. Tua amang matna panin zong Piansakpa Pasian pen thei tel khin mahmah hi. Ahi zongin Topa’ deihna panin lampial zel hi.

Kumpipa Nebuchadnezzar in zan a ihmut laitak in mang lamdang khat man hi. A mangmat pen tel sitset hi. Thei sinsen hi. Tua mang pen Danile 4na sungah kicing takin kigelh hi. Ama’ nuntak sungin vanglian in, nam khempeuh, pau khempeuh le gam khempeuhte in beel in, a liim ah tawl in in nuamsa uh hi. Gal le sa zong nei lo in lungmuang tak in om hi. A mangmat sunga bangmah in a pilna le a vangliatna hong phawk in, amah a piangsak le a lamto Pasian phawklo in, a zi adingin a bawl huan kikhai lam ento in hite keima hang hi a, cih ngaihsun in a om laitak in, ganhing lungsim hong nei in kumpi inn panin kihawlkhia hi.

Kumpi inn panin a kihawlkhiat sungin gampalakah om a, bawng bangin a khut le a khe tawh bok in ganhing bangin pai a, ganhingte neek lopa mah ne in, a multe ahih leh keel mul bangin sau hi. A meel a sa in mihing banglo a, ganhing bang cih bek hilo in, a lungsim puak in zong ganhing lungsim mah pua in theih tehihna khuak in na sem lo in, tua bangin omcip hi. Laisiangtho in kum sagih sung sawt ci hi.

See also  2nd Quarter Sabbath School Lesson PDF

Kum sagih sung tua bangin a om sung mahin a khuatheihna tungkik a, a kumpigam ukna le a minthanna khempeuh ama’ tungah kipia kik hi. Tua ngaihsutna a ngah kik a kipan in Sangpenpa phat in a tawntunga nungta anuaia bangin pahtawi hihi:

Ama’ ukna gam kip tawntung hi;

A kumpigam khang khat khit khat kizom suak hi.

Leitunga mite khempeuh bangmah in kisim lo hi.

Amah in vantung vangliatna le leitunga mihingte tawh a lungkimna bangin a sem hi.

Kuamah in Ama cih nial theilo a, “Nang bang hih na hi hiam?” a ci thei kei hi.

Nebuchadnezzar kumpipa in a nuntak sungin Piangsak Pasian’ thu a kim takin thei a, Israel Pasian in Pasian taktak hi cih pulaak hi. Namdang milimbia te in kumpite Kumpi, tote Topa maiah Pasian ahi Topa bia ding uh hi.

Cornavirus tawh Kisai Tawm: Hih lungno hangin company 30val in Sen gama vanleng lengsak nawnlo in,  gam 78 bangin Sente a gam sung uh lutsak lo hi. Hih lungno hangin mi 73,000val cina a, 2,000 bang si khinta hi. (WHO: Feb 18, 2020). Hih natna lungno pen sa namkim neekna pan kingah hi a ci zong om a, pawlkhat in lungno-galvan (Bio-weapong) a bawlna uh pan kingah hi ci hi. Koipan in hong piang a, bangci bangin hong kipan hitaseleh lauhuai in kizeel hita hi.

(1) Hih natna a thuakte thungetsak ni (James 5:17)

(2) Wuhan khupia sunga Pasian’nasemte thungetsak ni. (1 Thess. 5:25; 2 Thess. 3:1)

(3) Thu-um mite kisana panpih ni. (Rom. 12:13)

(4) Lungleng khuangai, a dah a kapte tawh dah khawmin, thungetna ah phawk ni. (Rom. 12:15)

Download (PDF, 356KB)

Tags: , ,

Admin

Admin

Top