Siamna kicing nei Khut le khe nei lo mi
Heidi Burke (kum 14) in khut le khe kimlo himah taleh ama’ tup le ngimte a hanciamna ah bangmah buaina pia lo hi.
Burke in a sangkahna Shawnee Mission, Kansas a om Midland Adventist Academy ah lai siam leh music siam in minthang hi. Band tawh a kithuah ciangin Trumpet tum a, inn ah a om ciangin piano tum hi.
“Music in ka nuntakna ah kiu khat ah hong om ta hi. A tawntung a a om den ka lawm tawh kibang ta hi” ci in Burke in gen hi.
Pumpi ading exercise lakna a hi gymn te kimawl in, la kam(poet) gelh in, mawtaw hawl sin in, a sang lai te zom toto kawm hi.
Burke pen kum sawm gual nungakno khat hi lel hi. Nitak sial in a nu le pa ahi Byron leh Dawn te tawh nitak an nekhawm den uh a, nisiam a thupiangte kikum zel uh hi. A tanu hang un kipaak mahmah uh hi.
“Kician in, khensat siam ei” ci in a nu in gen hi. “Midangte tawh a kilamdanna (pum cinglo ahihna) bangmah ngaihsut in nei lo hi” ci hi.
Burke ii lawmtamte le a innkuanpihte nangawn in a khut le a khe tawh ksiai khat veivei bek phawk kha uh hi. Amah pen pianpih khut le khe nei lo hi a, ahi zong anulepa te in pampaih in nawlkhin ngei lo uh hi.
“Amah le amah kiciangtan se lo pi e, e’n zong banghang Heidi ciangtan zenzen ding ih hia?” ci in a nu in gen hi.
Nisim in a thak khat sin nuam in, a tumdang khat theih sawm ngiat a, a ngaisutna a om khat peuh semkhia zo zel hi.
Burke in khedan(pencil) tawi thei, computer tawh lai khen thei a, piano nangawn tum thei mawk hi.
“Na khut in laigelh cih bel haksa kei e, na khuak in a sep hi zaw” ci in gen hi.
Vang(valve) thum nei Trumpet te bel poi lo napi in, a aw sangte ( high notes) bel buai huai pian dektak ci hi. Gymn kimawlna ading leng(Cartwheel) zong nei hi.
Khangto zel in, midangte mah bangin nisim in buaina tuamtuamte siansak ding amah le amah kihilh den hi. Tua hangin mite in amah pen lamdang sa uh hi.
Burke pen sangnaupang hoih khat hi a, a kizang mahmah leh music siam khat hi. Huhna nget cih pen tawm zat mahmah a, in sung vanzat cihte tampi kisam lo hi. University of Kansas a Engineering sangnaupangte in ama piano a khesik (pedal) ding a tuam in bawl sak uh hi. Bawltawm khedapte zong nei hi.
Khut le khe kim lo ahih lam gen in nei se lo hi. Midangte mah bangin kei kua ka hiam cih a kitheih ding deihzaw a, ama tangthu tungtawn inmite in tha thak ngah ding cih lamen hi.
Ref: https://www.adventistreview.org/adventist-14-year-old-excels-without-hands-or-feet