Nuntak Kikna

September 22, 2018

Peter in kum 24 sung  ganan sia(သင်္ချာ) suakding hanciam mahmah hi. Piang thei hi leh Sen gam khuata khat ah a nu leh pa kem kawmin Sia sem nuam hi. Acidam loh manin a ngaihsutna teng tangtun zolo hi.

“Hibang thu piang kei leh, Pasian kiang tung kei ning, Hih bang lampi Pasian in thuman hong lak hizaw hi,” Peter in ci hi.

College a zawh ciangin, tan 8 sang khatah gana ki-hilhsak hi. Sum leh pai leh a lametna te hoih mahmah hi. Alawmte in laihilh sia a lutma un, amau tenna huam sanglam makai te’n, a cidamna uh entelsak masa hi. “College kahlai, Basketball leh Bawlung nak kimawl mahmah hi veng, cidam ettelna zo mahmah buang ning,” Peter in ci hi.

Thu a kitel ciang, mi nih kia ki ci – Peter leh a dangkhat ci hi. Peter in bel cidam kisa mahmah lel aih manin, College thukhun bangin, a nihveina ki entelsak leuleu hi. Tutung ciang, nih lakpan khat kia leuleu – Peter hi ci. Doctor pa’n, Peter pen a tuap damlo a, bawltheih a hibeek tam ci zawsop hi. Tua a hih manin Peter in College ah laihilh theilo ding ci hi.

“Na khempeuh mansuah zo ing, Nu leh pa zawngpipi mah hanciam a kum tampi kasem hi. Ka mungtup kaphaak lian ding ciangin, tawmvei no sungin mangthang uh hi. Lamet bei ka hihi,” Peter in ci hi.

Tua zan, khuamialpi sung, leikhat tungah, Peter dingin awng veva hi, “Laotain!” ci hi. Senpau hi a, a khiatna in, “Vanglianpa aw” -“Laotain!  kei lua teh!” Nakpi takin kap a, leinuaia ah lengsuk in kisuamlup bang sawmphial hi.

Nu leh pa te’n nakpi tak thapia a, amau khua zato ah kibawl hi. Zato zong niam mahmah lel hi;Alainzaw a hoihzaw zato zong paizo tuanlo hi.

Ni thum khit ciangin, Peternu biakinn hong pai a, pastor thu kingensak hi. A nu’n Sunday ni khawngin biakinn kikhawm zel hi. Lunggimluatna tawh Sunday ni sa a hong pai hi a, Saturday ni na hi zaw hi. Ama lunggimna te a zakpih mite pen Seventh-dayAdventists te, Sunday tangte tawh kigawmkhawm a Sabbath School kah hizaw uh hi. “Dahtuak si cia?”ci in khangham nupi khat in dong hi. Peter thu a zakciangin “Dah kei o, Pasian muangun, hong huh ding hi,” ci in hanthawn hi. Tuani mahmah in nupi nu zato Peter lupna ah hawh in, “Nau aw, Topa muangin, hong huh thei hi.” ci in hanthawn hi.

Tua thapiakna, Peter in san hak sa hi. Tan lang pan kipan a sia te’n Pasian omlo cih bek hilh tawntung uh hi. Tua santak ah, Peter a ding lampi nihbek om: zato ah omsuak ding, sum zangzang in nu leh pa vangik suansuan, a tawpna si: Ahih kei leh Pasian ap ziau: cih te gel bek om hi.

“Nu leh pa vangik suan nuamnawnlo hi veng aw, Pasian muangin apmai ning. Doctor te sang Pasian muangzaw ning,” ci hi. Tua nitak in, Peter in Pasian omtakpi a hong damsak takpi ding a hih leh, zato pan ciahning ci hi. Zato pan zatang te zong ciahpih nawnlo ta hi. “Pasian muang ni in, na khempeuh nusia gai ni,” ci lel hi.

Adventist upa te’n khua-ta khat ah pawlpi zato om cih a genciang, tua zato ah paiding khensat hi. Zato nasem te’n hoihtak in nadawn uh hi.

“Damlo in lamet bei ka om laitak, thapiak kakisap laitak, hong ki taisan” Peter in ci hi. “A hih hang hih zato ka tun ciang, mi teng kei tawh khukdin in thu hong ngetsak uh hi. Topa aw hih khangnopa hehpih in ci in kapsa in, hong itna te hong lak uh hi.”

Peter in hibang itna cikmah hun in ngahkha ngei nailo a, mi khengval, Pasian zahin mu hi. Zato ah khanih sung om a, thungen, Laisiangtho sim, cidam nuntakdaan kisin hi. “Kanatlam mangngilh liang ing, nuamlua ing,” ci hi. Khanih khit ciangin tua zato lenpa in, a masa zato ah ki entel kik ding sawl hi. Amah leh Doctor pa’n lamdang salua uh hi. Siangtho cidam cih lai ngah hi. Doctor pa’n, tua a niam mahmah zato pan bangci damtheih cih tel zolo hi. Peter in bel zatui zatang zanglo a, Pasian bek muang hi.

Peter, a nu a pa leh a pu a pi te, hong ki tuiphum uh hi. Tu ni, Peter kum 40 pha ta a, Sengam ah Pasian nasem khat a hihi. “Pasian in nuntak kikna hong piak nungsang, hih nuntakna Amah ka apkik hi,” ci hi. Sen gamah Pasian nasep a tangzaisak, na sumpi te uh lungdam hong ko ung.

Andrew McChesney

Theihhuai Thu

• Italy gam sangin Sengam ah Christian tamzaw hi.

• Sen gam misim 1.387 billion pha. Leitungbup i 100 ah 18.47 hi.

• Chinese Union Mission, sungah Hong Kong leh Macao kihel hi.

• Tuiphumsa 433,449: Pawlpi kip 1,195 om hi. Mi sim 1,386,040,000, lakah Adventist 3,198 om hi.

• Christian upna Thomas in sengam tun masa kici hi.

• Adventist nasepna penAbram La Rue, in tun masa pen hi.