Innkuan ading Pil Kammalte 

Lesson 5: Innkuan ading Pil Kammalte 

April 27  –  May  3

Sabbath Nitaaklam                                  April 27

Tukaal sung sim ding:  Pro. 5:3 -14;  Matt. 19:5;  1 Cor. 7:3,4;  Pro. 13:22;  14:26; 17:22; 23:13; 31:10-31.

Kamngah:  “Na lungsim khempeuh tawh Topa muang in la, nang theihna suangkei in; Na hihna khempeuh ah Amah phawkin. Tua hileh lampi maan, Amah’n hong lak ding hi.” (Pro. 3:5,6).

            Bang dinmun peuh tung taleng, bang inkuan sungpan a hi phial zongin, i Nu i Pa sungpan a piangkhia i hi ciat hi.  Mi pawlkhat te leuleu pen, amau khankhiat na innkuan lobuang, lawmdang nei nawnlo liang uh hi.

            Bangbang in om ta leng, Paunak laibu in, thuhilhna, lagui, dotna leh mipil kammal tampi takte om hi. Innkuan kizopna te kiciantakin hong hilh a, mipil kammal tampi takmah om hi. Paunak laibu limlim pen, Nu le Pa tungtawn in, Pasian deih nuntakdaan kihilhna a hihi. Gamlapi a om tate, sangkah a om tate khawng laikhak in, omdaan siamtheih ding hilhna te mah bangin a kigelh a hihi.  “Ka ta aw, na Pa hong thuhilhna te zui in la, na Nu thu-khamna te mangngilh kei in” (Pro. 1:8).Thuhilkikna laibu in zong, a sansa upna te, ta khang tuu khang a hawmsawn dingin hanthawn hi. Paunak laibu in zong tua mah bangin hong hilh hi. Pa’ hong thuhilhna sungah, Pasian’ hong sapna aw i za thei hi.

SUNDAY                                                               April 28

Numei Dik na ngai in

            Kiteng nailopi in, ang kikawmna, a hoihlo daan leh, a nungzui thusia te gualsuk dih ve. Pau 5 : 3-14.

……………………………………………………………………………………………………………………

            Ang kizatpihna ah, Pasian um mi, innkuanpih neilo te in peel a, innkuanpih nei te in, siangthotak in zang uh hi. Paunak laibu in Pasal te cipha diak a, Solomon la in, Numei te cipha diak hi (Solomon la 4 : 12 -15). A maanlo ki itna in, a nungzui thu leh mawhna lianlua hi. Ang kikawm pakna in, ki itna dik omsaklo hi. Vante pan kipan pumpi leh lungsimte mahmah zong mawk thaAngkawm hi lel hi. A thupipen in, i nuntaksung a, i teelna bangbang in Pasian mai ah i ki siansuah kul ding hi.

Ang kizatpihna pen, innkuan nei mi adingin, Pasian silpiak lianpenpen a hihi (Matt. 19:5; 1 Cor. 7:3,4;  Heb.13:4). Paunak laibu sungah, tui tampi in, nupate’ ki itna leh nopsakna limlak hi a, thumaan lohna tawh ki thaAngkawm thei hi. “Na khangnolai a na neih na zi” (Pro. 5:18) ci mah ta leh, khangham dong mah zoptoh ding ahihi. Pasal in  “a zi’ ngaihbaanna tawh lungkim ding” (Pro. 5 : 19) ci hi.

A puuk leitung mihing i hih manin, Pasian’ deihna tawh kituaklo khawng a, ang kizatsakna peuh omthei hi. Pasian in bel teelsiam theihna ngaihsutna hong pia khin zo hi. Tua mawhzolnate pen, nasia takin do niloh kei leng, hong zogawp thei hi. Pasian tungah deihtak ki apna tawh, thumaanlo ang ki zatsaknate kidal zo thei hi. Khantawn thumaan tak a, Angkawm ding teelna in, thaman tampi hong piazaw hi.

See also  ZSL 10: ARTS LEH SCICENCES LAM PILSINNA

Innkuan kitam thei ding dinmun dong a, Angkawmna ding mawhzolna thuak mi khat na muh leh, bang ngaihsut piakna na pia ding hiam?

 

MONDAY                                                             April  29                Pate Hong Sapna

Kum sawtpi ta te, tuu te tungah huzaap nei tawntung thei ding Pa te’ hoihna, Paunak lai sungah a om te lungngai dih in.

Pro. 13 : 22;  27 : 23,24; ………………………………………..

Pro. 14 : 26  …………………………………………………………..

Pro. 15 : 1,18;  16 : 32…………………………………………….

Pro. 15 : 27…………………………………………………………….

Pro. 29 : 17…………………………………………………………….

            Pa te gamtatna te in, tate tungah tangtung suksuk hi. Tate in zong, etteh ding makai ding leh a panpih thei dingin Pate en gige uh hi. Paunak laibu in, etteh taakcing a, innkuan pantah zo te pahtawi hi. Pawlkhat te “a manlo a, sum ngahna in, innsung lungkhamsak” (Pro. 15:27) a cih banglian a hi uh hi. Pa te in, a nasep te sangin inn-kuan awlmawh zaw  ding hi. Pasian um Pa khat in, lungduaitak a makaih ding hi. Ta te in amah muangcih thei in thupi lak ging kisam hi. Thukham tawh ukding a, tate lungsim natna’ng bawllo ding hi. A thupi penpen in, Pate in Pasian deihna zui in, ta te thuman sungah makaih ding hi.

A nunungpen in, Pa in naupangte’ Nu itsak kul hi. Pa in Nu tung a thumaan leh maanlohna te in, tate tungah thupha thusia ii gau tangtung suksuk hi. Paunak lai-bu in, Pasian tungah thumaanna, innkuan tungah cihtakna, a mimal mahmah vang neihna cihte vive bulphuh hi. Na khempeuh tungah gualzawhna in, mimal lungsim puak tung, akinga hi. Mawhzolna angvai, thadahna, hauhna, zaliatna cihte khempeuh lakpan a pil Pa in, Pasian deihna bangin teel hi.

Hih tungtang ah, Pa hih/hihloh sangin a thupizaw thukhunpi in bang a hi diam? Nang tatna a pha/a sia te in, midangte a diakin naupangte bangci sukkhak hiam? Bangzah kidophuai na sa hiam?

TUESDAY                                                             April 30               Itna tawh Ki Thuhilhna

Paunak in, naupang thuhilhna leh puahphatna hong bangci hilh hiam?  Pro. 10:17; 23:13,14; 29:1;  29:15.

………………………………………………………………………………………………………

            Pa/Nu te in tate a thuhilh nop manun, a ki sang-theilo gamtatna te daan piak na tawh amau san zawhloh thu lak thei uh hi. A hihhangin Topa’n, naupangte thu-hilh daan ding bangdaan deihzaw hiam?  Paunak in bel, mailam a dingin, naupang thuhilhdaan ding (Pro. 19:18) thu hong khunsak hi.  Pasian ummi Pa/Nu in, nau-pang te’n pianpih gitlohna nei cih thei a, Zeisu bekmah in hong huhthei cih zong thei hi (EGWhite, Education, p. 29). Tapidaw Pa/Nu te’ nasep lianpen in, tate, Pasian lam ah makaih ding a hihi.

            Thunem tawh hilh ding. Khazih sungah, naupang thuhilhna pen, daanpiakna hilo zaw hi. Pasian deihna pen, Pa/Nu te’n itna tawh, mawhna tha-khauh-zia thei sa in, naupangte Khazih lamah makaih ding hi. A don Pa/Nu te in, damtak, diktak leh kiptak in, naupangte a neutuungpan kipan, thuhilh ngiatngiat a, singno suanthak kep bangin keem hi. Tuabangin, Pasian muangin, gupna sungah khangto in a picin dong kikemsiam thei dingin makaih hi.

See also  Laisiangtho Koici Khiat Ding

            Pa/Nu te adingin anuai a Paunak te’n bang thu-puak a nei uh hiam?  Pro. 13:24; 23:13,14.

………………………………………………………………………………………………………

            A vekpi’n “Ciangduai” (Hebrew -Shebet) tawh naupang hilhding citek uhhi. Khristian te’n, tate hilhna’ng ciangduai zangding cihteh, vantung tuucingpa in, ciangduai tawh a tuute a kepmah bangin (Ps. 23:4) kem ding cihna a hihi.  Lai Siangtho in, thuhilh ding, puahphat ding leh lawmhuai sak ding pen, a neu tuungpan a pantah pah ding (Deut.11:18,19) ci zaw hi. Pa leh Nu in a itna naupangin atheihna zah tawh naupang lungsim kipuahpha thei hi (Pro. 13:24).

            Ki thuhilhna te khauhlua in, a deihna bulpi tawh a kipelh ciangin, naupangte bangci daanin lungkim kiksak thei ding nahi hiam?

WEDNESDAY                                                                       May 1

Innkhum dawnah Nuntak  a Nuamzaw tam?

            Innkuan nuntak daan, Paunak laibu in, bangci daanin ciamnuih gen hiam?  Pro. 21:9,19; 27:15,16.

…………………………………………………………………………………………………………………….

            Paunak laibu sungah, i leitung nuntaksung u le nau kizopdaan tampi tak hong lak hi. Ciamnuih gen a, genlel honkhat lakah, a veikhollo lawmkhat in “a dah a lungkhampa kiangah, lasakna” (Pro. 25 : 20), a thobaih mahmah innkuanpih khatin “awging mahmah tawh innkuanpihte thupha pia”  cih khawng om hi.  Thunial hat mahmah zite in hih paunakte a dawnna dinguh theilai mawk unteh.

Lungnopna ki phattuam lawh hi. Innkuan nui lingling a nuntakna in hoih mahmah hi. Nuizakna in innkuan zolsak a, lungkhamna kiamsak hi. “Maitaina in cidamsak a, maigum tawntungna in guhtui teepkang hi” Pro. 17:22. Paunak laibu sungah zatui tampi om a, i gamtatna te tungtang ah zong hong nuisak kauhkauh hi.Tua nuihzakna te ei tungtang a hih leh, eite pen a hoihzaw thamlai i hihi. Tua nuihzakna te tawh i gamtatna luite mawk beisak lo in, kidopphat semsem ding kisam zaw hi.

            Cisa lualo te natna gil peuh hithei zawsop hi. Kam kinial, phunciak, thuum cihte in, innkuansung, beh leh phung sung kilemna hong suksiatsak thei hi. Tua cisalua lo natna teng siangsak leng, natna gil veng ding hi. Innkuan sungah thubuaite pelhziau sangin, innkuan ki itna, Pasian tungah ki apna tawh tua thusia piantheihna hehna bulpi teng siangsak in thu vengsak zaw ni.

            Innkuansung ah nuihna bangzah in thupi hiam?  A hoihlam in bangci kizat theih a, a siazaw in zong bangci kizat theih hiam?  Sabbath School khan sungah gen dih in.

 

THURSDAY                                                            May 2

A Hau Taktak Zi

            Paunak laibu in, numei citak gina gamtatzia tawh thukhup hi. A pahtaakhuai gamtatna bangteng hiam?  Pro. 31:10-31.

…………………………………………………………………………………………………………………….

            Tua numei leh a tangthu tuampian hi. Pro. 31:10 pan kipan a, Hebrew laimal 22 te lakpan khat bek tawh a kipan hi.  Zi-hoih khat pen minam buppi in a laimal tawh pahtawhna hi.

            Zi hoih neih dingpen, makai te pauzangsehna a hihi. “Pasal khat i innkuan in a zi hi.”  “Zihoih pen a pasal minthanna leh lungdamna hi a, a pasal maizumsak zi pen, a pasal adingin a damtheilo guh natna tawh kibang hi.” Pro. 12:4. Paunak a tawpna ah, mikhat in siamna a kicingtak a nei:  silh leh teen, sumbwlna: khawh leh eh, innkuan vai cihte siamkim a hih manin, a innkuan un it ngeingai uh hi.

See also  SSL 2: Nehemiah

            Hih bang pilnazai pen zi khempeuh in neilo a, pasal te zihoih zon na’ng zong hi tuanlo hi.  Hih hoihna te sangin, numeite ading bek thamlo pasal te ading zong a hoihpen a hi :  muanhuaina, kiveina, belhtakcinna, cihtakna, hoihna leh khutsiamna cihte hi zaw hi. Hi teng khempeuh i thusim in (Pro. 31:10) na ah “Pasian kihtakna” hi pen hi.

            Pro. 31:10 na ah “hoih” cih kammal pen, gamtatna gina, hatna, hauhna cihte kizang a, Ps. 62:10 na in “hauhna” ci a, Joshua 1:14 na in “galhangpa” ci leuleu hi. Boaz in zong a zi Ruth pen “Zihoih” (Ruth 3:11) naci hi.  Pro. 31:10 in, hauhna lam a cinuam hi zaw hi. Hauhna diktakin zahtakkaina leh Pasian kihtakna tungtawn hi. Suangmanphate sangin manpha zawpek hi.

            Na nuntaksung na muhkhak, a hoih galhang numei kuabangte om hiam? A hoihdan te gualdih in. 

FRIDAY                                                                   May 3

Ngaihsut beh ding:

Lungsim vantung a kem ding hi. “Khristian te in, a lungsim uh kemcing ta hen.  Pasian tungah ki ap mahmah ta uh hen. Mi tampi takte’n ki-ap ding, thuman zon ding, thunget ding cihte cimtakin hih nuamlo uh hi. Pasian leh ama gam thupisak masa un.  Na lungsim uh vantungah kem le uh cin, thahatna leh nuntakna hong pia ding hi. Vantung’ na te in, na lungsim uh uksak le uh cin, nasepna khempeuh ah thahatna lawpna hong pia ding hi.  Eite khempeuh khalam ah khantohna ah i khangcing kei hi.” EGWhite SDA Bible Commentary Vol.3 p. 1157.

Kikup Ding Dotna te:

  1. Khristian tampi takte’n, mawhzolna, a dalzawh theihna dingun, “lungsim kep-cinna” network group mu uh hi. Hihte in thungetna, Lai Siangtho kisinna, Kha Siangtho muanna cihte bangci khangsak thei hiam? Mi khat in mawhzolna a tuahkhak taktak ciangin, atung a te in bangci bangin huh thei dinguh hiam?
  1. Khaanpihte lakah, Wednesday ni dotna nunungpen dawngkhawm un. Muhdan tuamtuam te kaikhawm un. Pasian hong piak na tampi te lakah, nuizaknate in bang lauhuaina piangsak thei ding hiam?
  1. Pro. 31 tawh a ki lehbulhin, numeikhat bangci ki pahtawi thei hiam? Tua bang munte ah bangci kidal zawh sawm ding i hi hiam?
  1. I veng sungah, Lai Siangtho tawh ki lehbulhin, leitung nuntakziate, a huampi in bang khawng a om hiam? Lai Siangtho tawh a kituak khawng zong a om hiam? A om leh ei innkuan bangzah tha hong pia thei hiam?

 

Tags: ,

Admin

Admin

Top