ZOGAM AH PASIAN THU TUN ZAWH KUM 121 CINGTA!
ZOGAM AH PASIAN THU TUN ZAWH KUM 121 CINGTA!
 |
| Rev. Arthur E. Carson te’ nupa Hakha |
Zogam ah American Baptist Missionary hong tung masa penpen ahi Mr. and Mrs.Carsonte nupa in Chin State (Zogam) ah Pasian thu( The Gospel of Christ) hong puak zawh kum 112 cing ta hi. Sangmang Rev. Arthur E. Carson le azi Laura Hardin Carsonte nupa in Zogam, Hakha khuapi ah March 15, 1899 ni-in hong tung uh hi. Hakha khuapi hong tun ma in Kawlgam laizang Magway Division sung Thayet myo ah Nipi guk sung Chin mission kipankhin uh a, tua lai ah akideih loh ciangin Zogam, Hakha hong tungsuak uh hi.
Hih March 15 ni pen Zomite in khuamial sung pan khuavak i muhcilna ni thupi khat ahih manin, adiakdiak sanggam Hakha lamte in Zogam leh gamdang mun tuamtuam ah kum 112 cin phawkna thupitak bawl cih kiza hi. Rev. Dr. C. Duh Kam, Executive Minister of Chin Baptist Fellowship of America(CBFA) in agenna ah, ” March 15 ni pen Zomite taksa le kha thu ah khuamuh kipatni leh Zomibup Khristian khempeuh in mangngilh theih loh ding ni thupi khat hi ” ci in gen hi.
Taxas, USA a om Chin Baptist Church te in mai March 20,2011 ni ciangin Carson Sunday ni leh Laura Carson pen Zomite biakna Nu (the mother of the Chin Christians) cih pahtawina hun thupitak bawl ding cih kiza hi. Zomi Baptist Convention (ZBC ) Former President Rev. Dr. Chum Awi in a genna ah, ” Sangmang Carsonte khit a hong tung Rev.Dr. Robert G. Johnson in alaibu sung a ciamtehna khatah,” Laura Carson pen Zomi Tapidawte Nu taktak hi ” ci-in, agelhna kimu hi cih thu gen hi. Tua bek tham loin, a pasal Rev. Carson asih khit nangawn in Hakha ah om lai-in, Zomite kha thu le taksa thu ah khantohna ding US a ciah ma dong sawtpi tak nasem lai cih thu Dr. Chum Awi in gen hi.
Rev. Carson te nupa tungtawn in tuni hunin Zomi (Chin) mibup 90% Percent in Pasian thuzui in Khristian kisuak ta hi. Sangmang nu Laura Carson in ” Pioneer Trails, Trails and Triumphs ” cih laibu khat agelhna sungah Hakha pau/ kam lah atheih loh banah Khristian suak khat zong om loin, lai thei zong om lo lai ahih manin, nasep haksa asakluat ziate kigelh hi. Tua banah, ” Khanin /Dawi le kaute biakna dingin gannote kigo in, tua pen amau damna ding lampi hoih leh zatui hoih mahmah ahihna thute zong kigelh hi. A zawng mahmah mite’ tungah lungdamna thugen ding leh anuntakna uh lapsang ding a lunggulhnate kilimgelh hi.
Rev. Carson in mission nasepna ah Hakha District sung a om J.H.Merriam tungtawn in sangnaupang Shia Khaw kici pa pen 1905 kumin Khristian suak masa penin, January 1,1906 ni-in tuiphum hi. Tua kum May 11,1905 ni mahin Zomi Khristian asuak masa mi 4 om uh a, Thuam Hang le a zi Dim Khaw Cing, Pau Suan le azi Kham Ciangte hi uh a, Khuasak le Thuklai khuanawl Luineu khatah kituiphum uh hi.
Rev. H.E.Carson maban azom ahi Sanggam Rev.Robert Johnson in aciamtehna sungah Thang Tsin pen September 1906 kumin kituiphum a, Zanniat minam sung pan tui kiphum masa penin gen hi. Ngawn minam sung pan Tsong Kham pen March 1907 kumin kituiphum in, Falam Area sung pan a masa pen in ciamteh hi. Rev. Arthur E. Carson pen April 1,1908 kumin Gilpeng natna tawh si-in, Hakha mahah kivui hi. A zi Laura Carson Hardin in a ma dam lohna hangin June 1920 kumin Zogam leitang pan US zuan a, July 19,1942 ni in, leitung nuntakna nusia hi.
Rev. Carson te nupa tungtawn in tuni hunin Zomi (Chin) mibup 90% Percent in Pasian thuzui in Khristian kisuak ta hi. Sangmang nu Laura Carson in ” Pioneer Trails, Trails and Triumphs ” cih laibu khat agelhna sungah Hakha pau/ kam lah atheih loh banah Khristian suak khat zong om loin, lai thei zong om lo lai ahih manin, nasep haksa asakluat ziate kigelh hi. Tua banah, ” Khanin /Dawi le kaute biakna dingin gannote kigo in, tua pen amau damna ding lampi hoih leh zatui hoih mahmah ahihna thute zong kigelh hi. A zawng mahmah mite’ tungah lungdamna thugen ding leh anuntakna uh lapsang ding a lunggulhnate kilimgelh hi.
Rev. Carson in mission nasepna ah Hakha District sung a om J.H.Merriam tungtawn in sangnaupang Shia Khaw kici pa pen 1905 kumin Khristian suak masa penin, January 1,1906 ni-in tuiphum hi. Tua kum May 11,1905 ni mahin Zomi Khristian asuak masa mi 4 om uh a, Thuam Hang le a zi Dim Khaw Cing, Pau Suan le azi Kham Ciangte hi uh a, Khuasak le Thuklai khuanawl Luineu khatah kituiphum uh hi.
Rev. H.E.Carson maban azom ahi Sanggam Rev.Robert Johnson in aciamtehna sungah Thang Tsin pen September 1906 kumin kituiphum a, Zanniat minam sung pan tui kiphum masa penin gen hi. Ngawn minam sung pan Tsong Kham pen March 1907 kumin kituiphum in, Falam Area sung pan a masa pen in ciamteh hi. Rev. Arthur E. Carson pen April 1,1908 kumin Gilpeng natna tawh si-in, Hakha mahah kivui hi. A zi Laura Carson Hardin in a ma dam lohna hangin June 1920 kumin Zogam leitang pan US zuan a, July 19,1942 ni in, leitung nuntakna nusia hi.
 |
| Rev. Dr. J.H. Cope ‘te’ nupa Tedim |
 |
| Rev. Dr. Robert G. Johnson te’ nupa Hakha-Tedim |