‘Hi, Hope Channel’

09-NewZealand- ‘Hi, Hope Channel’

‘Hi, Hope Channel’

William Arama, 49

New Zealand, August 31

New Zealand gam, Kerikeri saklam aa om khuapi khat ah pastor a sem, William Arama in lungluut takin e-mail khat sim hi.

“Hi, Hope Channel. Ka zi tawh ka nupa un Kerikeri ah a sawt lo in hong kikhiin ding hi ungh. Tua hun ciangin ka kikhop nadinguh biakinn ka zon uh kul ding hi. Nung deuh in, Kerikeri a om kimawlna innpi ah mi khat in hungeelna a bawl khat ka mu kha uh hi. Tua mun ka tun uh ciangin tua pa ka contact ngah loh khak ding ka lung himawh hi. Na hungeelnate zongh ka deih mahmah hi. Khris sungah na sanggam, Colin Horsfall” ci-in kigelh hi.

Tua lai a sim ciangin William lungdam mahmah hi. A nasepnate mite in lunglut in na en uh a, mi tampite’ lungsim sukha hi, cih thei ahih manin angtang kisa mahmah hi. Tu-in hih nupa kopte ama’ pawlpi ah hong pai nuam uh hi ta hi. Lungdamna tawh kidim hi.

Colin te nupa-in Hope Channel na en zel uh man in a lungdamna thu, William in lai tawh thuk kik hi. Kerikeri pen New Zealand gam khuapi ahi, Auckland pan in saklam tai 155 (km 250) khawng a gamlatna leh inn 7,500 khawng a pha khuapi neu khat ahihna gen hi. Tua lai mun ah Adventist pawlpi mite Sabbath ni sim, zingsang nai 10 in kikhawm den ahihna zongh gen hi.

“Na nupa un ko kiangah nong kikhop theih uh leh bel lungdam mahmah nung ei. Kong huh theih ding uh a om khakleh hong call in maw” ci hi.

See also  Tua Thusim pen Kilawmtatna Hi

“Lungdam lua ei, a sawt lo in hong tung ta nung ei” ci-in tawmvei khit ciangin Colin in dawng kik hi.

Abeisa kum tawmcik lai-in tua khua a’ dingin Adventist Pawlpi masa penpen a phut dingin Kerikeri khuapi ah William a hong tung ahi hi. Tua lai-in tua khuasung ah Adventist innkuan khat bekbek om a, tua nangawn William in thei kha lo lai hi. Koici bangin maa nawt ding, ci-in thu anget khit ciangin kimawl-thasaanna innpi khat hon dingin khensat hi.

“Pasian in hih alamdang mahmah idea ong pia-in, ‘Bang hangin kimawlna innpi khat tawh kipan khialo ding na hi hiam?’ hongcih na tungtawn in mi tampite tawh ka kimuh khop theih nadingin hih kimawl-thasaanna (gym) innpi a hongg ka hi hi” ci-in William in gen thei zel hi.

Tua gym tungtawnin mi tampite tawh ki mukha thei in—New Zealand a Adventist pawlpi’ Hope Channel (Lametna Aw) tawh amaute na meihset thei kawm zel hi. Tua Hope Channel panin Pasian thu tangkona innkim ah a kingaih theih nadingin 2016 kum sung aa, Sabbath 13na mission sumpi tawh a kipan khia ahi hi.

Tua Hope Channel sung a hungeelna te lak ah Williamte’ kimawl-thasaanna zong item khat a, kihel ahi hi. Tua hun sungah, banghangin mihingte in a leitung taksa cidamna ding lung himawh uh hiam, cih a pulaak kawmin, a dotna ah, “Phaa ei. Tua ahih leh na khaalam cidamna uh ee leh, na lunghimawh uh hia?” ci thei zeel hi.

Tua program khat vilvel bekbek a lunglutna uh hangin Colin leh azi, Robyn te, Kerikeri nitumna saklam tai 60 bang a gamlatna Kaitaia khua pan in hong peem dingin a kithawi ngiat uh na hi mawk hi. Tua nupate bel a khua vuah khrisian pawlpi dang khat ah a kikhawm uh ahi hi.

See also  Nuntak Kikna

Sabbath ni hongtun ciangin Williamte’ Biakinn ah Colin leh a zi Robyn a khatvei na hong kikhawm uh hi. Tua lai-a, pawlpi mi 12 te in lungdam takin na maimuak uh a, thu kigente a ngaih khit uh, hun man ciangin sun-ann te zongh nuamtak in a nekhawm uh hi.

“Ka pawlpi mite pen pawlnuam thei mahmah in, peem thak te hoih takin na muak ziahziah uh ahihmanin amaute nupa in zongh kikhop hong zom suaksuak pah uh hi.” William in ci hi.

Kum 75 a pha ta, Colin pen, World Masters Games kici, cycle nawhtai kidemna ah medal ngah ngei khat ahih lam hong thei khia hi. Robyn in ahihleh Hope Channel et nuam sa mahmah a, TV sungah William’ thugenna ngai kha zeel hi. Sabbath ni in William a nohset kawm in, “Tu peetpeet in, ka pastor pahtaak penpen pa mu ta ing ei” ci hi.

A sawtlo in Colin le Robyn te nupa in Lai Siangtho hong sin uh a, tuiphumna ngah dingin kiging ta uh hi.

New Zealand gam aa Adventist pawlpi mite in, midangte i pawlpi sungah a tutzawh ding uh nakpi takin a haksat mahmah laitakin, Hope Channel in konggkhak tampi tak hon sak hi, ci-in William in kipkho takin umh hi.

“Hih pen Pasian in, amau’ buaina mite in a theih ding uh adeih khol lo mite leh biakinn sung khawng a mi’ muh muh ding a ut khol lo mite’ tungah Pasian in, a hopih theihna nam khat hi,” William in ci hi. “Ahangin Hope Channel tungtawn in amaute in a inn sung vuah tu hithiat kawm in Pasian’ kammal te ngai thei uh hi.”

See also  4. Pawlpi 13 ah Itna Zongg

2016 kum, Kuata nihna, Sabbath 13na mission sumpi tawh New Zealand gam sunga inn kim-ah Pasian’ thu a kizaak theih nadingin Hope Channel hon nading nong huh man un lungdam mahmah hi.

By Andrew McChesney

Tags:

Admin

Admin

Top