MSS 12: Tagah khat in Tagah Kepna Sanginnpi Khat lei

Patrick Kayend Omughamay, 32

Democratic Republic of Congo

December 21

Dawi-ai siampa hong ki ci ngei hiam? A nu’ sih khit ciangin kum 14 a pha pan Patrick Kayend Omughamay pen mi khempeuh in “Dawi-ai siampa” ci-in sam uh   hi.

Congo gam khuapi ahi Kinshasa khua a teng innkuan khat sungah unau kua lak ah a u penpen in Patrick ahi hi. A innkuan sung uh a nu’n a vak den hi-a, a nu nusiat ciangin, ama’ tung ah tavuan hong   om ta hi.

Na sem theilo ahih manin inn khat khit khat ban vak to in, an neek tawm ding ngen ngiat hi. dawi-  ai siam ahih lam a theih uh ciangin a vengte in huh nuam lo uh hi. Kum khat khit ciangin thuneite in    Patrick la in tagah sangah kha uh a tua lai-ah pilna sinsak uh hi. Patrick kum 21 a phak ciangin, a tagah sanguh ki khak ahihmanin a veng lui mah ah a ciah kik kul hi. Mite ki huau sim khuan khuan in, “Dawi-     ai siampa hong ciah kik ta ei” ki ci uh  hi.

Tua khit kum nih sung pen ama nuntakna sungah a haksat penpen hun ahi hi. plastic tuibung hawmte kaikhawm in tuisiang thun kik in lamdung tengah zuak kawikawi hi. Haikungpi nuai khat ah tawlnga kawm in a nuntakna ki ngaihsun ngeungau zel hi. A mailam hun ding a ngaihsut ciangin khimkhua zing sa lua  hi.

A lungnop penpen hun in, biakinn sungah a om hun sungteng hi-a, Sabbath ni sim in citak takin kikhawm den hi. A nu pen Adventist khat ahi  hi.

Sabbath ni khat, Adventist Siavuan khat ahi Jack Kavale in khangnote kimuh pih hi. Nasep ding khat peuh a thei te a kisap leh a panpih nopna gen hi. Patrick in zongh Internet Café khat a honnopna thu pulaak pah hi.

Tua zahzah sum tam bei lua ding. U.S. $ 50 kim khawng bek huh zo ding, upna khaici tuh dan ee, Jack in ci hi.

Patrick in tua sum a pawlpi elder pa’ kiangah lak in, tua zah tawh bang ki sem thei ding cih thei lo hi.

“A masa penpen in tithe khia masa oh,” a hawmthawh kawmkal ah, elder pa in tithe khia ding in sawl lailai hi.

“Ka elder pa’n ong langpan hi phial liang maw leh? Hi zah tak a, sum ki hawmthawh lailai a, tithe pia ding a ong sawl lailai,” Patrick in a lungsim sungah ci   hi.

Elder pa in Lai Siangtho sung panin tithe piakna ding mun hong sim ciangin,    Patrick in zong U.S. $ 5 tha khat thu in pia khia pah hi. elder pa in Patrick thu ngetsat a, “Pasian nangtawh hong tonkhawm ta hen” ci hi.

Tu-in Patrick in $ 45 nei lai hi. Hoih takin a ngaihsut khit ciangin lukhuzaap golpi khat lei masa     in, sabuai khat leh cell phone kisia baang, phone set na bek lian a ki zangh thei lai nih lei hi. lam lianpi     gei ah, a lukhuzaap pi khaak pah deedaa in, a sabuai phah a, saibawt khat suangin, “Public Telephone” ci-  in kilangh tak in suang hi. Mite zong hong pai in phone hong set pah uh   hi.

“Hi bang peuh a sep hang bang ngah pepeuh ding a hia? Nak lawhcin kei tei in teh maw!” ci-in a vengte in neumuh mahmah uh  hi.

A zat ding teng khit teh Patrick in ni khat in $ 2.50 ngah hi. Motor cycle khat bat laak in, khuazat lam ciangin tua tawh mi kha kawikawi in sum zonna in nei hi. A sawt lo in $ 300 bang hong khol zo hi.

Tua khit ciangin Kinshasa khua ah effort bawl dingin pastor pa in geelna nei-a, huhna a zon  ciangin Patrick in $ 200 piak dingin kamciam pia hi. Tu ni dongin tua zahzah a kamciam khak na a hang thei zo nai lo hi.

A vengte in hai sa mahmah uh  hi.

“Koi ci bangin $ 200 pia zo peuh mah ding na hiam? Tu laitak aa na sep bang a hia ngaihsun ve”  ci ngeingai uh hi.

Kha khat hong bei ta, Patrick khial ki sa pianpian in hong kisik kik pian ta   hi.

Ni khat, a cell phone sabuai gei-ah Patrick a din laitak in, mi khat va pai in laptop khat $ 120 man dingin va zuak hi. A nasepna ah ka mang mahmah ding, ci-in Patrick in thei na pi a khut sungah $ 80 bek nei hi. laptop nei pa’n tawm sa lua ahih manin paisan phei khin na pi, hong kileh kik in, $ 80 tawh la sak  kik hi.

A zingsang ciangin midang khat Patrick sabuai mai-ah hong nawh tai mahmah in, “Laptop zuak nuam ding na thei kha hia? Ka lawmte khat in laptop khat nawh deih peuh mah in $ 600 bang a man phial zongin deih ding ci hi” va ci hi.

Tua ciangin Patrick leh tua pa, tua pa’ lawmpa inn ah va hawh uh hi. A laptop a sin leh hoih sa pah ahih manin a man zah ding dongh pah  hi.

“$ 600 ding ka cih hi ven” Patrick in ci hi. “$ 550 ong hi sak ve,” tua pa in ci  hi.

“Ci mai leng ai ve” Patrick in ci kawm in sang   hi.

Tua inn panin a ciah khiat kawm un, Patrick in a thu piang teng a ngaihsut kikkik ciangin ki um ngam lo phial in lamdang sa mahmah hi. $ 80 tawh a lei khat $ 550 khawng cih mawk pen lamdang mahmah hi. Tithe a piak khit ciangin a cell phone sabuai a hoih zawdeuh dolsabuai tawh laih in, a cell phone nasep ban ah sum khek nasep hong sepbeh hi. A nasepna ah hong lawhcing to hanhan hi. A saawt  lo in kaal khat in $ 300 pan $ 400 bang hong khol zo ta hi. tua ban ah $ 2000 dongin hong khang to ziahziah hi.

Hun khat lai-a a om na tagah sanginnpi Patrick in lei ta  hi.

Tu-in, a it mahmah a zi tawh om uh a, tagah mi 6 zong kem in, pilna zong hoih takin sinsak uh hi. lamlak a vak naupangnote sam in an vaak zel uh a, pawlpi mi meigongte $ 50 ta nasep kipat nadingin a hawm sak hi.

A vengte in dawi-ai siampa ci-in sam nawn lo uh hi. “Mite in dawi-ai siampa hong ci uh hi. Ahi zongin Pasian in Ama tapa ka hihna hong lak tel hi” Patrick in ci   hi.

2016 kum Sabbath 13na sumpi tawh naupangte Sabbath School khaan dingte nong lamsak man  un lungdam hi. Tu kuata sumpi khenkhat tawh Kinshasa a Adventist Clinic ki huh ding hi. Topa’n a pia mimal khempeuh thupha hong pia ta hen.  Amen.